Sate lilit
Sate Lilit inggih punika silih tunggil saté saking Bali[1]. Saté puniki malakar aji daging bawi, ulam, manuk, daging sampi, miwah penyu sané kacahcah tur kacampur antuk nyuh makikih, santen, juuk nipis, bawang, miwah mica. Daging sané sampun macahcah tur kacampur bumbu kalilit ring bambu, laut kapanggang nganggén areng. Mabinayan saking saté sané lianan sané nganggén tusuk saté cupit tur landep, tusuk saté lilit mawentuk lempeh tur lebar. Wentuk tusuk saté sané lempeh kanggén mangda daging cahcah prasida leket. Kruna lilit ring basa Bali miwah Indonésia madué arti makaput, sakadi cara ngaryanin saté puniki.
Soroh Saté Lilit
uahPulo Bali sané kramannyané maagama Hindu, sampun sasai ngajeng daging bawi tur jarang ngajeng daging bawi. Nanging, mangda krama Muslim prasida taler ngrasayang saté lilit ri tatkala malancaran ka Bali, saté lilit sané sadurungnyané nganggén daging bawi, mangkin wénten sané nganggén daging manuk miwah daging sampi. Tiosan punika, ring wewidangan segara, umpami Désa Kusamba, saté lilit malakar aji ulam.[2]
Kalih saté favorit saking Bali inggih punika saté lilit miwah saté ulam. Saté lilit miwah saté ulam madaging bumbu basa Bali sané kawastanin basa genep. Basa genep puniki malakar aji don juuk, santen, kesuna, bawang, isén, ketumbah, kunyit, miwah tabia.[3]
Pustaka
uah- ↑ Post, The Jakarta. "Learning Bali's true flavors". The Jakarta Post (ring Inggris). Kaaksés 2021-09-10.
- ↑ Muhajir, Anton (28 March 2013). "The legendary 'sate lilit' and 'pepes' from Kusamba". Bali Daily. Kaaksés 14 January 2015. More than one of
|work=miwah|newspaper=specified (help) - ↑ Mahendra, Anggara (17 July 2013). "The authentic fish satay of Ubud". Bali Daily. Kaaksés 14 January 2015. More than one of
|work=miwah|newspaper=specified (help)