Buka menu utama
Simbul Om

Hindu inggih punika silih sinunggil agama sané wénten ring jagat guminé. Kruna Hindu mawit saking kruna Sindhu saking Basa Sanskerta, inggih punika wastan silih sinunggil tukad sané magenah ring Subbenua India.[1] Agama Hindu kadadosang agama sané pinih tua sané wénten ngantos mangkin. Umat Hindu ngabaosang Agama Hindu punika Sanātana-dharma sané artosnyané darma sané abadi utawi marga sané abadi tur ngaliwatin asal mula manusané. Agama puniki ngapatutang umatnyané ngalaksanayang swadharma utawi kewajiban mangda makasami umatné nénten madasar antuk kasta miwah sekte-sekte sané wénten. Susastra Hindu kakepah dados kalih kepahan, inggih punika Sruti sané artosnyané napi sané kapiragiang, tur Smerti sané artosnyané napi sané kainget. Susastra punika madaging filsafat, teologi, mitologi, yadnya utawi kurban sané suci miwah tulus ikhlas, prosesi upakara, miwah arsitektur Hindu. Kitab-kitab sané pinih utama inggih punika Wéda, Upanishad, Mahabharata, Ramayana, Bhagawadgita, Purana, Manusmerti, tur Agama. Kitab suci Agama Hindu inggih punika Wéda.

PustakaSunting

  1. "The Global Religious Landscape - Hinduism". Laporan Jumlah dan Persebaran Agama-Agama Besar di Dunia pada 2010. The Pew foundation. Diakses tanggal 4 Juni 2019