Saté Rénténg
Saté Rénténg, saté tungguh, saté bunga, gayah utawi pajegan ulam silih tunggil sarana upakara ring Hindu Bali, lakaran ipun saking ulam bawi, akéh nyané nganggén kulit ipun. Sarana upakara puniki nentén patut wentén ring sajebag upakara mawinan rumasuk yadnya utama, menawi patut wénten ring banten Bebangkit.[1][2]
Philosopi uah
Ring upacara keagamaan Hindu-Bali, Saté Rénténg punika uperengga ring upacara. Menawi, Sate Renteng patut wentén ring upacara majeng Déwi Durga utawi Banten Bebangkit. Mawinan sarana upakara puniki sajebag lakaran ipun saking ulam bawi kehatur majeng Déwi Durga. Wentuk ipun medué arti filosofis. Saté Rénténg kawedar saking pinunas Déwa Wisnu majeng Déwi Durga antuk ngaonang raksasa mawasta Mahishasura ring galahe punika ngelawan para déwata ring swargan. Déwa Wisnu nikayang wantah Déwi Durga sané prasida ngaonang raksasa punika. Pinunas punika kesanggupin olih Déwi Durga. Menawi syarat ipun punika sajebag senjata para déwata kakumpulang dados sarana antuk ngaonang raksasa punika. Antuk kesaktian nyané, Mahisashura kekaonang olih Déwi Durga. Pinaka rasa bhakti majeng Déwi Durga, kekaryanin sarana upakara sané lakaran ipun saking ulam bawi sané kawentuk dados senjata Déwata Nawa Sangha.[3]
Daging uah
Ring situnggal Saté Rénténg kepastika kelengkapin antuk ajengan Bali. Sekadi saté asem, saté serapah, saté lamat, kekuwung, bagia pulekerti, senjata dewa nawa sanga, penyelah, aling-aling, lawing, japit balung, dan japit bawi. Tiosan, Sate Renteng patut nganggén nyuh dados perlambang marcapada. Mangda becik kecingak keanggén gedébong. Menawi patut patut ngangén tetiga sané dados perlambang Tri Bhuwana.
Tiosan nganggén ulam bawi, dados sarana pelengkap wentén nganggén balung bawi. Balung-balung punika minakadi balung nguda, balung paha, balung ikut, balung entud, miwah sané liyané. Balung-balung puniki keanggén ngaryanin senjata Déwata Nawa Sangha.
Pagenahan jeroan bawi patut manutin matan ai. Paru ring kangin, jantung ring kelod, nyali ring kauh, limpa ring kalér, taler babwahan ring tengah. Jeroan puniki patut wentén ring Saté Rénténg, mawinan dados perlambang kauripan Déwi Durga.[3]
Soroh uah
Saté Rénténg kadiri antuk makudang macem. Kapertama wénten Saté Rénténg Puspusan sané dasar lakarané nyuh. Punika nganggén 13 saté, menawi nentén ngangen Bagia Pulekerti. Kaping kalih wénten Saté Rénténg Sari, lakaran ipun sekadi macem Puspusan, menawi kedagingin antuk Bagia Pulakerti. Kaping tiga, Saté Rénténg Utuh. Sekadi macem Sari menawi ketambahin antuk tendas bawi. Pinih untat wénten Saté Rénténg Déwi Durga sané dados pinih duur. Ring iriki sekadi macem Sari sané nganggén tendas bawi, menawi kasarengin antuk tabia bang dados perlambang caling Déwi Durga.[3]
Pustaka uah
- ↑ Sate Renteng Rangkaian Olahan Daging Babi, Kementerian Pendidikan dan Kebudayaan RI, kaaksés 9 Agustus 2020[permanent dead link]
- ↑ Nada Atmaja, Madé (2018), "Sate Renteng in Piodalan Ceremony of Pura Dalem in Jagapati Village, Abiansemal, Badung Regency: Perspective of the Values of Hindu Religious Education" (PDF), Bali Hinduism, Tradition and Interreligious Studies, ISBN 978-602-52255-0-5[permanent dead link]
- ↑ 3,0 3,1 3,2 Sate Renteng: The Evidence Of Goddess Durga’s Strength (ring Inggris), visitbali.id, kaaksés 10 Agustus 2020