Biu

Biu
	Pisang di perkebunan
Klasifikasi ilmiah
Krajaan	Plantae
Divisi	Magnoliophyta
Kelas	Liliopsida
Bangsa	Musales
Familia	Musaceae
Marga	Musa
Spesies
	M. acuminata; M. balbisiana; M. ×paradisiaca (invalid); M. sapientum (invalid);

Biu inggih punika silih tunggil sarwa taru-taruan. Taru puniki katahnyané kacunduk ring abian. Punyan biu madué akéh kawigunan. Kapertama carangnyané sané kawastanin gedébong dados kaanggén lakar ngaryanina jukut ares. Donnyané sané nguda dados kaanggén wadah ngaput sakancan ajeng-ajengan miwah sarana ri tatkala makarya bebantenan. Sané tuh saking donnyané mawasta kraras taler prasida kaanggén lakar makarya sarana banten sakadi tapé, tangkih miwah sané lianan. Salanturnyané, wénten pusuh biu sané dados kaanggén jangan. Cihna utama saking punyan biu wantah woh biu. Woh puniki prasida kaajeng tur mabuat pisan majeng ring krama Hindu Bali ri tatkala wénten upacara agama.

Biu inggih punika soroh woh-wohan sané madaging kandungan serat, vitamin B6, vitamin C, Potassium (kalium). Biu madué akéh kawigunan, minakadi:

Madaging antioksidan miwah vitamin sané becik anggén angga.
Biu madaging nutrisi sané maguna antuk gula darah druéné.
Biu prasida ngeménekang keséhatan pencernaan.
Nyidayang ngreredang baat awak.
Nyégerang jantung.
Nyegah asma.
Biu makada I raga gelis wareg.
Biu sida ngeménekang kaséhatan ginjal.
Biu madué akéh wigunannyané ring olahraga.
Yéning jagi nglaksanayang diét, biu dados anggén sarana ngawantu.
Biu madué kawigunan anggén ngaménekang pikayunan mangda setata resep tur eling.

Makasami biu punika mawarna kuning yéning sampun tasak, yadiastun wénten sané mawarna barak, gadang, tangi utawi selem yéning sampun kaliwat tasak.

Soroh

Wénten makudang soroh biu sané kauningin ring Bali, nénten kaanggén ajengan kémanten sakéwanten wénten dados sarana upakara ring Bali, niki soroh-soroh biu sané kauningin wénten ring Bali, luiré:^[1]

Pustaka

↑ "Biu". Kaaksés 2024-01-08.

[1] "Biu". Kaaksés 2024-01-08.

[1]