Saté buntel
Saté buntel inggih punika soroh saté saking Kota Surakarta, Jawa Tengah, sané malakar saking ulam kambing katektek, kakaput nganggén muluk kambing lantas kapanggang. Basa saté buntel utama punika mica miwah kécap manis.
 | |
| Mawit saking | Indonésia |
|---|---|
| Wawengkon utawi wewidangan | Surakarta, Jawa Tengah |
| Lakaran utama | Ulam kambing |
| 148000[1] kcal | |
Lelintihan
uah
Saté puniki karipta ring warsa 1948, olih Lim Hwa Youe, sané nuwénang Warung Saté Kambing Tambak Segaran. Saté puniki katetek sekadi saté lilit, sakéwanten mangda nekét rung katikné kapepel-kepel lantas kakaput nganggén muluk kambing. Kruna buntel ring indik puniki maartos ngaput, kruna punika kaanggén antuk ngaparinamain ajengan soroh saté puniki. Warung Sate Kambing Tambak Segaran dados warung saté sané pinih purwa ngenalang soroh saté puniki, sapunika dados langkung kaloktah ring ring Kota Solo, warung puniki kantun ngadeng lan ajeg ngantos mangkin.[2]
Sate Kambing Tambak Segaran inggih punika warung sate sane kasor ring Kota Solo. Warung puniki sampun sue tur maning lais ngadol pinaka be kambing. Sate buntel puniki kalilit antuk lemak kambing sane ngranayang lemak punika nyag yening sampun kaajeng olih pamiarsa. Sate buntel puniki enak yening kaajeng ritatkala kantun panes utawi anget-anget.[2]
Lakaran
uahLakaran antuk makarya saté buntel kambing saking Solo puniki prasida kakepah dados papat, kapertama lakaran utama minakadi ulam kambing miwah muluk kambing sané pacang katektek, taler wénten kécap manis, santen, toya asem, toya, lembaran muluk kambing, katik saté, miwah limo. Kaping kalih wénten basa alus minakadi bawang, kesuna, ketumbah, isén, jaé, séé sané putih kemanten sampun katiis-tiis, ginten, uyah miwah mica. Katiga punika basa olés sekadi kécap manis, bebek, miwah lengis. Sané ungkur wénten basa sambel sekadi kécap manis, bawang miwah tabia sané katiis tipis.[3]
Cara Ngaryanin
uahRitatkala iraga mekayunan ngaryanin sate buntel preragan puniki bumbu utawi base sane jagi kaarsayang inggih punika:
- ulam kambing sane sampun nyag katektek utawi kagiling
- lemak kambing sane sampun katektek
- kecap manis
- santen instan dados
- asem jawa, yeh putih
- lemak ulam kambing sane lembaran
- tusuk sate
- juuk nipis utawi lemo
- bawang
- kesuna
- jahe
- sereh,
- mica
- uyah tur jinten
Puniki tata cara ngaryanin sate buntel:
- tektek ngantos nyag ulam kambing punika
- campur ulam kambing sane nyag sareng kecap manis, toya asem jawa, tur basa sane halus wawu.
- siapang tusuk sate, lilit ulam utawi luluh sate ring katik sate
- siapang tunuan sate, tunu nyambilang dagingin bumbu halus utawi olesan
- yening sampun lebeng, raris genahang ring piring tur dados kaajeng sareng penggenep sane tiyosan. [4]
Pustaka
uah| Wikimédia Commons madué média indik Sate Buntel. |
- ↑ "Sate Buntel, Sate dari Daging Kambing Cincang yang Dibumbui dan Dibungkus dengan Lemak - Tribun Video". video.tribunnews.com. Kaaksés 2023-03-10.
- ↑ 2,0 2,1 "Warisan Budaya Takbenda Indonesia|Sate Buntel". 2022-01-25. Kaarsipin saking versi asli tanggal 2022-12-22. Kaaksés 2023-03-07.
- ↑ Media, Kompas Cyber (2020-07-30). "Resep Sate Buntel Kambing Khas Solo Anti Alot Halaman all". KOMPAS.com (ring Indonesia). Kaaksés 2023-03-10.
- ↑ Media, Kompas Cyber (2020-07-30). "Resep Sate Buntel Kambing Khas Solo Anti Alot Halaman all". KOMPAS.com (ring Indonesia). Kaaksés 2023-03-11.