Kambing

Kambing
Status Konservasi
	Sampun kabohang
Klasifikasi ilmiah
Krajaan	Animalia
Filum	Chordata
Kelas	Mamalia
Bangsa	Artiodactyla
Familia	Bovidae
Subfamilia	Caprinae
Marga	Capra
Spésiés	C. aegagrus
Subspésiés	C. a. hircus
Trinomial name
	Capra aegagrus hircus; (Linnaeus, 1758)

Kambing inggih punika silih tunggil soroh beburon sané mabatis patpat. Dedaaran kambingé inggih punika padang-padangan. Panak kambing madan wiwi. Kambing mawiguna pesan ring kahuripan, minakadi dagingnyané dados kaanggén sanganan. Daging kambing dados kaanggén saté, gulé, miwah sanganan sané lianan. Tiosan punika, susu kambing dados kainem tur becik pisan ring raga. Susu kambing taler dados kaanggén lulur utawi handbody kecantikan olih krama Baliné. Kambing ngranjing ubuh-ubuhan mamalia sané madué jenggot, cunguhné lengkung miwah kukuné genep. Lianan ring punika Kambing madué don kuping sané lantang ka betén.

Upacara Nganggén Kambing

Kambing ring Bali dados kaanggén sarana upakara minakadi (1) Kulitnyané utawi kabaos blulang (2) Ulamnyané kamasak, kaolah ngantos kadadosang sate. Upakara ring Bali sané nganggén Kambing minakadi: Caru utawi Tawur Manca Kelud, Caru Balik Sumpah, Caru Tabuh Gentuh, Caru Maligya Bmi, Caru Masesapuh Agunng, Caru Manca Wali Krama, Caru Eka dasa Rudra. Lianan taler upacara Malebu Gentuh, caru ring jadma sané madué pianak buncing, upacara Eka Jati, Nguliang Lakon, Caru Pakelem telajakan puweran sanggar tawan, Caru Eka dasa Rudra, Panca Wali Krama, Tri Buana, Eka Buana, Waras Pati Kalpa, Pedanan, Tawur Agung Pedudusan Agung.^[1]

Pustaka

↑ Budaarsa, I Komang dkk (2013). Satwa Upakara Sarana Pelengkap Upacara Agama Hindu. Udayana University Press. pp. 43–44. ISBN 978-602-7776-83-8.

[1] Budaarsa, I Komang dkk (2013). Satwa Upakara Sarana Pelengkap Upacara Agama Hindu. Udayana University Press. pp. 43–44. ISBN 978-602-7776-83-8.

[1]