Ngelawang
Ngelawang (aksara Bali: ṅĕlawaŋ) inggih punika silih tunggil sarana sajeroning nulak bala majeng krama Hindu ring Bali.[1] Ngelawang ketah ipun kasolahang nyabran satak dasa rahina utawi nganem sasih apisan. Kruna ngelawang mawit saking kruna lawang sané mapiteges pintu utawi jelanan, riantukan kasolahang ring ajeng paumahan krama.[2] Daweg rihin, ngelawang pinaka upacara pingit saantukan pralinggan ida sané marupa barong utawi rangda sané sampun mapasupati sané kasolahang ngiderin désa. Nanging sané mangkin, ngelawang ketah ipun nganggén Barong bangkung, marupa sakadi bawi sané nénten kapasupati. Ngelawang sané mangkin ketah kamargiang antuk alit-alité ring Bali. Sasampun nyolahang barong bangkung, alit-alité raris kaicén upah antuk krama. Ring makudang genah, ngelawang taler kalaksanayang ri kalaning wénten gering kameranan nibénin désa. Ngelawang kapercaya prasida nyayubin krama mawinan luput saking gering kameranan.
Ngelawang nulak sahanan kaon ri kala Galungan miwah Kuningan. Ngelawang wantah pinaka silih tunggil tetamian anak lingsir ring Bali, sané kapercaya sida ngicalang sahanan parindikan kaon pamekas panulak bala, sané kamargiang ri kala rerahinan jagat Galungan miwah Kuningan. Drestané puniki ketahipun kamargiang olih alit-alite kantos ring para yowana Bali. Piranti sané kaanggén ketahipun marupa barong bangkung wiadin bangkal. Ngelawang wit krunanipun wantah saking kruna lawang sané teges ipun wantah jelanan / pintu, riantukan sesolahan puniki kamargiang saking umah ka umah, ngrauhin paumahan soang-soang krama. Sesolahan puniki wantah kategepin taler antuk tetabuhan sané taler kabaktayang antu alit-alite. Ngelawang dados tontonan anak sané nglintang ring margine, wiadin tontonan krama désa.
Pustaka uah
- ↑ "Ngelawang di antara Galungan dan Kuningan". wisata.balitoursclub.com. Kaarsipin saking versi asli tanggal 10 July 2014. Kaaksés 10 June 2014.
- ↑ "Menjalin Persaudaraan dengan "Ngelawang"". balisaja.com. Kaaksés 10 June 2014.