Galungan

Galungan inggih punika silih tunggil rahina jagat krama Hindu utamannyané ring Bali. Rahina punika kalaksanayang nyabran nem sasih utawi 210 rahina nuju Budha Kliwon wuku Dungulan. Galungan pinaka cihna indik dharma sané menang yéning kalawan antuk adharma. Manut lelintihannyané rahina punika taler simbol saking payudhan Déwa Indra (dharma) sané ngaonang raksasa Maya Danawa (adharma).

Galungan galuṅan·
Penjor ring sisin margi ring Bali ri tatkala Galungan
Aran liyanan	Galungan
Kaodalin olih	Hindu Bali
Jenis	Hindu
Kegiatan	berdoa, ritual keagamaan
Tanggal	Hindu Balinese pawukon Buda Keliwon Dunggulan
Terkait dengan	Pitri Paksha

rahina Galungan miwah Kuningan ring Pura.

Kulawarga Bali ngae ajengan lawar persiapan Galungan

Dudonan rahina Galungan kakawitin antuk rahina Sugihan Jawa miwah Sugihan Bali. Sugihan Jawa kalaksanayang duk Wrespati Wagé wuku Sungsang, nem rahina sadurung Galungan pinaka sarana mareresik ring makasami sané wénten ring saluir Bhuana Agung. Limang rahina nuju Galungan ring Sukra Kliwon wuku Sungsang kabaos Sugihan Bali. Sugihan punika taler satmaka sarana mareresik ring sajeroning soang-soang padéwékan utawi Bhuana Alit.

Salanturnyané malih kalih rahina, ri tatkala rahina Redité Paing wuku Dungulan kamargiang Penyekeban Galungan pinaka cihna nyekeb indriya. Benjangnyané wénten rahina Panyajahan Galungan. Manut kalénder Bali rahina punika kalaksanayang duk Soma Pon wuku Dungulan. Arahina sadurung Galungan kawastanin Penampahan Galungan. Ring rahina punika krama Hinduné makarya pénjor miwah sarwa ulam sané jagi kaanggén ring bebantenan sakadi saté, lawar, tum, bé kakak miwah sané lianan madasar siap utawi bawi. Ring rahina Budha, rahina sané pinih utama umat Hindu ring sajebag jagaté ngaturang sembah bhakti mawit saking paumahan soang-soang nglantur ka pura-pura ring sanè nampek ring wewidangan druwéné. Apisan sawusan rahina Galungan kabaos Umanis Galungan sané kalaksanayang nuju rahina Wrshpati Umanis wuku Dungulan. Pacang kalaksanayang Dharma Santi tur malancaran majeng ring pasemetonan jadmané soang-soang pinaka sarana ngrumaketang rasa masikian ring kulawarga.

Galah	Aran rahina	Aktivitas
3 dina sadurungne	Penyekeban	Masak biu anggén persembahan
2 dina sadurungne	Penyajaan	ngae jaja
1 dina sadurungne	Penampahan	Nampah céléng utawi siap anggén persembahan
1 dina sasampun	Manis Galungan	Nglesir sareng kaluwarga
10 dina sasampun	Kuningan	Sembahyang
11 dina sasampun	Manis Kuningan	Nglesir