Coto Makassar
Coto Makassar utawi Coto Mangkasara (Makassar), inggih punika soto tradisional Indonésia sané maasal saking Makassar, Kelod. Puniki marupa soroh soto tradisional ketah nganggén ulam sampi miwah lablaban jeroan antuk kaldu mabasa saking lakaran kacang tanah miwah basa liyanan.[1] Coto Makassar ketah kaajeng sareng lontong Burasa utawi Tipat.
 Coto Makassar sareng tipat | |
| Tipé | lablab |
|---|---|
| Mawit saking | Indonésia |
| Wawengkon utawi wewidangan | Sulawesi Kelod |
| Pekarya olih | Kasultanan Gowa |
| Lakaran utama | ulam sampi utawi kebo, kaldu nganggén basa kacang tanah |
Lelintihan uah
Kawéntenan ajengan puniki ten lémpas saking kaadegang nyané Kasultanan Gowa, punika sawatara 1538 maséhi ritatkala mapusat ring Sombaopu, pahan kelod saking wawidangan Kota Makassar, sapunika dados ajengan kuna di Indonesia. Masaih sareng ajengan kuna liyanan minakadi nasi bakepor, nasi jemblung, nasi bogana, docang, miwah papéda. Pabinayan lakaran utama saking Coto Makassar riin sareng mangkin nénten malakar saking ulam miwah jeroan sampi sakéwanten saking ulam miwah jeroan kebo.
Mawit lelintihan, Coto Makassar ring pamahbahné pinaka ajengan para raja miwah praratu istana Kasultanan Gowa. Ajengan puniki ketah kasajiang ritatkala nyanggra tamiu kasultanan utawi rikala upacara adat. Sapunika lelintihan liyanan nganikayang pinaka Coto Makassar sujatiné ajengan sané karipta olih silih tunggil krama ring Kasultanan Gowa. Nyabran semeng, ipun ketah ngaryanang Coto Makassar antuk kawagiang majeng para pengawal krajaan sadurung ipun masesana semengan. Mawit pidarta para ahli sané kasineb ring arsip lelintihan pameréntah Kota Makassar, ring abad ka-16 ajengan Coto Makassar polih pingaruh saking ajengan Cina krana kawewehin tauco.[2]
Lakaran uah
Lakaran utama soto ketah saking ulam sampi miwah kacampuh sareng jeroan minakadi basang, ati, paru, jantung, babat, miwa polo saking sampi. Ring basa-basa sané nénten kaalusang wénten séé, janggar ulam, don limo, isén, jaé, titisan, miwah kaldu sampi. Wénten basa-basa alus minakadi ketumbah, ginten, uyah, mica, tingkih, miwah kesuna. Rikala sampun lebeng pacang kajangkepin antuk embe, peré, miwah selédri.[3]
Pustaka uah
- ↑ Loren Bell; Stuart Butler; Trent Holden; Anna Kaminski; Hugh McNaughtan; Adam Skolnick; Iain Stewart; Ryan Ver Berkmoes (2016). Lonely Planet Indonesia. Lonely Planet. ISBN 9781760341619.
- ↑ redaksi (2022-09-16). "Fakta dan Sejarah Coto Makassar, Makanan Tertua di Indonesia". Majalah GPriority (ring Indonesia). Kaaksés 2023-03-02.
- ↑ Fimela.com (2022-05-12). "Resep Coto Makassar Asli Daeng Tata". fimela.com (ring Indonesia). Kaaksés 2023-03-02.
| Wikimédia Commons madué média indik Coto Makassar. |