Wikipédia

Ubud, Ubud, Gianyar

Koordinat: 8°31′44″S 115°14′37″E / 8.528770°S 115.243657°E / -8.528770; 115.243657

Désa Ubud inggih punika silih tunggil désa sané wénten ring wawengkon Kecamatan Ubud, Kabupatén Gianyar, Provinsi Bali, Indonésia.[4][5][6]

Ubud
Kalurahan
Kantor Kelurahan Ubud
Kantor Kelurahan Ubud
Peta
Peta genah Kelurahan Ubud
Negara Indonésia
PropinsiBali
KabupaténGianyar
KecamatanUbud
Pamréntahan
 • LurahI Gusti Ngurah Nyoman Suastika, ST
Kodepos
80571
Kode Kéméndagri51.04.05.1005 Uah nilai ring Wikidata
Kode BPS5104050006 Uah nilai ring Wikidata
Jimbar7,32 km²[1]
Akéh krama12.145 diri (2016)[2]
10.873 diri (2010)[3]
Kepadetan1.486 diri/km² (2010)
Akéh KK2.472 KK[1]
Puri Saren Ubud

Géograpis uah

Mawit saking Géograpis, Kalurahan Ubud rumasuk wawidangan perbukitan sané megenah ring sisi kelod Pagunungan Kintamani.

Hidrograpi uah

Ring Wawidangan Kalurahan Ubud wénten akéh kelebutan miwah tukad, ring sikawan wénten Tukad Wos (Dangin miwah Dauh), ring sikelod wénten Tukad Tapes, ring sikangin Tukad Ubud.[7][8]

Wates Wewidangan uah

Wates wewidangan administratip nyané minakadi:

Kalér Désa Tegallalang ring Kecamatan Tegallalang
Kelod Désa Mas
Kauh Désa Sayan
Kangin Désa Peliatan

Babad uah

Kaadegang nyané Ubud mapaiketan sareng lelintihan Dharmayatra Guru Suci Mpu Markandya saking Gunung Raung ring Nusa Jawa nuju Bali, ring dharmayatra punika ida rauh ring lebah utawi bukit alit sané ngapentang saking sisi kalér miwah kelod. Bukit puniki kaapit olih kalih tukad marupa sakadi kalih naga. Tukad sikawan maaran Tukad Wos Dauh, ring sikangin maaran Tukad Wos Dangin. Mpu Markandya ngadegang paumahan kaaranin “Sarwa Ada” sané nampek Désa Taro.

Kalih tukad Wos Dauh miwah Wos Dangin matemu ring sinunggil genah kasengguh antuk Campuhan. Ring Campuhan puniki Mpu Markendya ngamargiang patapaan miwah ida ngawitin panarungan antuk ngadegang paumahan miwah ngicaiin tanah partanian antuk parekan ipun. Santukan punika sampurna Yoga Sang Rsi, sané kacihnain sareng kakawitin kauripan krama désa puniki sareng kaanugrahin tanah antuk partanian dados wit pangupa diri.

Paaranan Wos antuk makakalih tukad macampuh punika ngaleket dados aran désa ring aab punika. Asapunika aran tukad puniki mawitin paartosan nyané. Mawit daging saking lontar Markandya Purana, Wos ngaran “Usadi”, Usadi ngaran “Usada”, miwah Usada ngaran “Ubad”. Mawit saking kruna ubad sané ring ungkur nyané kagentosin dados Ubud.

Tiosan saking palelintihan punika, Kelurahan Ubud taler madué babad manggala désa. Kaperbekelan désa ring Ubud kakawitin warsa 1922 sané kamanggalain olih satunggil perbekel ring duk kala punika mawasta Pan Grya. Wawidangan Ubud kala nika ngajangkepin Sambahan, Junjungan, Bentuyung, Ubud, Kutuh tur Nagi. Pan Grya risampuné kagentosin olih A.A.Gde Kerepeg sané ngajimbarang wawidangan Ubud ngantos Taman Kaja, Padangtegal miwah Tegallantang.

Saking tanggal 31 Désémber 1980 Kaperbekelan Ubud kagentosin status ipun dados kalurahan, pebekel ri kala punika Tjokorda Gdé Rai Darmawan kaangkat dados Manggala Kalurahan Ubud, kalurahan puniki wawu karesmiang tanggal 1 Januari warsa 1981.[9]

Pamréntahan uah

Kalurahan uah

Wawidangan Kalurahan Ubud madué solas lingkungan utawi banjar dinas, inggih punika:[10]

  1. Lingkungan Jungjungan
  2. Lingkungan Padangtegal Kaja
  3. Lingkungan Padangtegal Mekarsari
  4. Lingkungan Padangtegal Kelod
  5. Lingkungan Pengosekan Kelod
  6. Lingkungan Taman Kaja
  7. Lingkungan Tegallantang
  8. Lingkungan Lingkungan Sambahan
  9. Lingkungan Lingkungan Ubud Kaja
  10. Lingkungan Lingkungan Ubud Tengah
  11. Lingkungan Lingkungan Ubud Kelod
Perbekel miwah Lurah

Saking warsa 1922 ngantos warsa 1980 kaadegang Kaperbekelan Ubud sané kamanggalain olih satunggil Perbekel, sawusan warsa punika Pamréntahan ring Ubud marupa Kalurahan, manggala-manggala kanikayang ring lis puniki:[9]

  1. Pan Grya (1922-1932)
  2. Anak Agung Gde Krepeg (1932-1942)
  3. Gusti Putu Leket (1942-1950)
  4. Tjokorda Alit Dalem (1950-1955)
  5. Anak Agung Gde Rai Gug (1955-1977)
  6. Tjokorda Gde Rai Darmawan (1977-1983)**
  7. Tjokorda Raka Sukawati (1983-1988)
  8. Tjokorda Gde Anom (1988-1991)
  9. Tjokorda Gde Rai Darmawan (1991-1993)
  10. I Ketut Suastika, BA (1993-1998)
  11. Cokorda Gedé Putra Darmayuda, S.IP., M.Si (1998-2006)
  12. I Madé Wartana, AP (2006-2009)
  13. I Dewa Gde Pariyatna, S.STP (2009-2013)
  14. I Wayan Parmadi, S.IP.,M.A.P. (2013-2019)
  15. I Gusti Ngurah Nyoman Suastika, ST (2019-Mangkin)

Catetan**: Kaperbekelan kagentosin dados Kalurahan

Palaksana Tugas

Palaksana tugas utawi Plt. puniki manggala sané katunjuk dados manggala riantara masan pilkel, inggih punika:

  1. Drs. I Kadek Alit Wirawan (2006-2006)
  2. I Wayan Ardana, AP., MA (2009-2009)

Désa Adat uah

Mawit adat ring Kalurahan Ubud kakepah antuk nem désa pakraman, inggih punika:[10]

Désa Pakraman Bentuyung Sakti
  • Banjar Sakti
Désa Pakraman Jungjungan
  • Banjar Jungjungan
Désa Pakraman Taman Kaja
  • Banjar Taman Kaja
Désa Pakraman Tegallantang
  • Banjar Tegallantang
Désa Pakraman Padangtegal
  • Banjar Padangtegal Kaja
  • Banjar Padangtegal Mekarsari
  • Banjar Padangtegal Kelod
  • Banjar Padang Kencana
Désa Pakraman Ubud
  • Banjar Samban
  • Banjar Ubud Kaja
  • Banjar Ubud Tengah
  • Banjar Ubud Kelod

Démograpi uah

Ring warsa 2014, akéh krama ring désa Ubud (proyéksi BPS) kirang langkung 12.145 diri sané kakepah antuk 6.098 lanang miwah 6.047 istri, taler tingkat sex rasionyané kirang langkung 100,84.[1]

Paajahan uah

Ring Kalurahan Ubud wénten asiki SMA negeri, tiga SMK swasta, asiki SMP negeri, asiki SMP swasta, miwah lima SD negeri.

SMA/SMK uah

  • SMA Negeri 1 Ubud
  • SMK Pariwisata Ganésha
  • SMK Pariwisata PGRI Ubud
  • SMK Pariwisata Putra Bangsa

SMP uah

SD uah

  • SD Negeri 1 Ubud
  • SD Negeri 2 Ubud
  • SD Negeri 3 Ubud
  • SD Negeri 4 Ubud
  • SD Negeri 5 Ubud

Pustaka uah

  1. ↑ 1,0 1,1 1,2 "Kecamatan Ubud dalam Angka 2017" (ring Indonesia). Badan Pusat Statistik Indonésia. 2017. Kaaksés 16 Désémber 2018.
  2. ↑ "Prodeskel Binapemdes Kemendagri". Kaarsipin saking versi asli tanggal 2022-04-01. Kaaksés 2022-04-10.
  3. ↑ "Penduduk Indonesia Menurut Desa 2010" (PDF) (ring Indonesia). Badan Pusat Statistik. 2010. p. 132. Kaaksés 14 Juni 2019.
  4. ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaarsipin saking versi asli tanggal 29 Désémber 2018. Kaaksés 3 Oktober 2019.
  5. ↑ "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaarsipin saking versi asli (PDF) tanggal 25 Oktober 2019. Kaaksés 15 Januari 2020.
  6. ↑ Menteri Dalam Negeri Republik Indonesia (2022-02-14). "Keputusan Menteri Dalam Negeri Indonesia Nomor 050-145 Tahun 2022 tentang Pemberian dan Pemutakhiran Kode, Data Wilayah Administrasi Pemerintahan dan Pulau tahun 2021" (PDF). Kementerian Dalam Negeri Republik Indonesia. Kaarsipin saking versi asli (PDF) tanggal 2022-08-07. Kaaksés 2022-12-29.
  7. ↑ Warga Peduli Sungai Bersihkan Tukad Wos di Ubud, Nusa Bali, kaaksés 18 Désémber 2021
  8. ↑ Google - Sungai di Kelurahan Ubud, kaaksés 18 Désémber 2021
  9. ↑ 9,0 9,1 Sejarah, Kelurahan Ubud, kaarsipin saking versi asli tanggal 2021-12-18, kaaksés 18 Désémber 2021
  10. ↑ 10,0 10,1 Data Désa Adat Kabupatén Gianyar, NangunSatKertiLokaBali.com, kaarsipin saking versi asli tanggal 2 December 2020, kaaksés 9 November 2020

Pranala jaba uah

cutetan: URL ring galahe mangkin dados mauah utawi ilang. Yéning URL nénten aktip, ngiring usapin saking lis.

Kapolihang saking "https://ban.wikipedia.org/w/index.php?title=Ubud,_Ubud,_Gianyar&oldid=187647"