Tumpek Wariga
Tumpek Wariga inggih punika silih tunggil rahina umat Hindu. Tumpek Wariga kalaksanayang antuk nyanggra limang likur dina sadurung Galungan. Tumpek Wariga taler kawastanin Tumpek Uduh, Tumpek Bubuh miwah Tumpek Pengatag.[1] Tumpek puniki kalaksanayang ri tatkala rahina saniscara kliwon wuku Wariga ring kalender saka Bali. Ring rahina punika umat Hinduné ngaturang banten ring entik-entikan miwah tetaneman sané katanem. Umat Hinduné ngaturang banten ring tetanemannyané krana jagi ngaturang suksma antuk makasami sané sampun kapolihang ring kauripannyané.Tumpek Wariga puniki galah antuk ngaturang bhakti majeng ring Sanghyang Sangkara sané dados manipéstasi saking Ida Sang Hyang Widhi, sané miara tetaneman miwah lingkungan jagaté. Sang Hyang Sangkara punika manipéstasi Ida Sang Hyang Widhi antuk ngawéntenang tetaneman mangda wénten oksigén antuk para manusané tur Sanghyang Sangkara mapangider gadang.[2][3]
.jpg)
Soroh Tumpek
uahWenten limang soroh tumpek ring Bali, inggih punika:[4]
- Tumpek Landep, upacara selamatan anggén senjata.
- Tumpek Wariga, upacara selamatan anggén tetanduran, entik-entikan.
- Tumpek Kuningan, upacara selamatan anggén gamelan
- Tumpek Krulut, upacara selamatan anggén unggas sareng Tumpek Uye utawi Tumpek Kandang, upacara selamatan anggén buron
- Tumpek Wayang, upacara selamatan anggén wayang.
Pustaka
uah- ↑ News, Bali Portal (2021-03-20). "Tumpek Uduh, Penghormatan Terhadap Tumbuhan". Bali Portal News (ring Indonesia). Kaaksés 2021-10-16.
- ↑ "Tumpek Wariga Penanda 25 Hari Mendatang Galungan, Ini Maknanya". Tribun-bali.com (ring Indonesia). Kaaksés 2021-10-16.
- ↑ "Makna Filosofis dalam Hari Suci Tumpek Wariga – KEMENTERIAN AGAMA KABUPATEN KLUNGKUNG". bali.kemenag.go.id. Kaarsipin saking versi asli tanggal 2021-10-16. Kaaksés 2021-10-16.
- ↑ Sudarsana, I Ketut (Séptémber 2017). "Konsep Pelestarian Lingkungan Dalam Upacara Tumpek Wariga Sebagai Media Pendidikan Bagi Masyarakat Hindu Bali". Jurnal Studi Agama-agama dan Lintas Budaya. 2: 1–7.