Tumpek Krulut
Tumpek Krulut inggih punika silih tunggil rahina umat Hindu. Tumpek Krulut sané taler kawastanin Tumpek Lulut puniki kalaksanayang nyabran nem sasih. Tumpek puniki kalaksanayang ri tatkala rahina saniscara kliwon wuku krulut ring kalénder saka. Rahina puniki ketah kauningin pinaka rahina kasih sayang vérsi Bali, sané matetujon mangda iraga setata éling welas asih kapining jagat miwah sadagingnnyané.
Ring kauripan adat miwah budaya ring Bali, ketah kauningin gamelan sané pinaka sarana anggén nyobiahang tabuh utawi suara-suara sané suci, punika madaging pakilitan sareng tumpek Krulut sané kabaos pinaka rahina odalan gong. Ri kala rahina puniki, krama Hindu Bali sujatinnyané ngaturang banten majeng ring Déwa Iswara pinaka maniféstasi gamelan, antuk nyiratang sakancan tirta ri sajeroning gamelan sané jagi kabantenin. Selanturnyané, krama Bali jagi ngaturang banten pinaka yadnya kapining Déwa Iswara.
Soroh banten sané kaaturang ri tatkala Tumpek Krulut puniki akéh. Ketahnyané madaging tipat, ajuman, tigasam pangambéan, taler peras. Banten punika kagenahang ring sisin gamelan mangda suarannyané tetep becik miwah lengut kapirengin.[1]
Soroh Tumpek
uahWenten limang soroh tumpek ring Bali, inggih punika:[2]
- Tumpek Landep, upacara selamatan anggén senjata.
- Tumpek Wariga, upacara selamatan anggén tetanduran, entik-entikan.
- Tumpek Kuningan, upacara selamatan anggén gamelan
- Tumpek Krulut, upacara selamatan anggén unggas sareng Tumpek Uye utawi Tumpek Kandang, upacara selamatan anggén buron
- Tumpek Wayang, upacara selamatan anggén wayang.
Pustaka
uah- ↑ "Tumpek Krulut, Hari Kasih Sayang Versi Bali". Pemerintah Kabupatén Buléléng Dinas Kebudayaan. Kaaksés 21 November 2021.
- ↑ Sudarsana, I Ketut (Séptémber 2017). "Konsep Pelestarian Lingkungan Dalam Upacara Tumpek Wariga Sebagai Media Pendidikan Bagi Masyarakat Hindu Bali". Jurnal Studi Agama-agama dan Lintas Budaya. 2: 1–7.