Tegallinggah, Karangasem, Karangasem
8°26′13″S 115°37′15″E / 8.436964°S 115.620784°E
| Tegallinggah | |
|---|---|
 Peta genah Désa Tegallinggah | |
| Negara |  Indonésia |
| Propinsi | Bali |
| Kabupatén | Karangasem |
| Kecamatan | Karangasem |
| Pamréntahan | |
| • Perbekel | I Gedé Sudiarsa |
| Kodepos | 80811 |
| Kode Kéméndagri | 51.07.04.2010  |
| Jimbar | 4,05 km²[1] |
| Akéh krama | 3.186 diri (2016)[1] 2.361 diri (2010)[2] |
| Kepadetan | 583 diri/km²(2010) |
| Akéh KK | 937 KK[3] |
Désa Tegallinggah punika sinunggil désa sané magenah ring kecamatan Kecamatan Karangasem, Kabupatén Karangasem, Bali.[4]
Lelintihan
uahRing aab panjajahan, Banjar Tegallinggah miwah nampekanné marupa asiki perbekelan, sesampun aab Kamahardikaan Perbekelan Tegallinggah ngerajing ring Perbekelan Karangasem (Kota). Sepanturné duk warsa 1968 ngeranjing perbekelan Tumbu sané pusat pameréntahan ipun magenah ring Désa Bukit antuk ngawidangin tiga likur dusun antuk wates-wates Désa Tumbu luiré;
- Sikalér : Gunung Bisbis
- Sikangin : Désa Seraya
- Sikelod : Selat Lombok
- Sikauh : Tukad Nyuling
Ring warsa 1989 Désa Tumbu daweg nika perbekelné I Nyoman Pasek Yasa ngaprakarsain pamekaran désa antuk nerapang LMD miwah LKMD Desa Tumbu mikélingin jimbar wawidangan Désa Tumbu 14,05 km² lan kapadetan panjak ipun sampun ngajangkepin prasyarat mangda kamekrang, taler kacumpu désa Tumbu kamekarang dados 3 (tiga) désa luiré Bukit, Tumbu tur Tenggalinggah
Désa Tegallinggah jimbar wawidangané 4.05 km² antuk wates–wates ipun:
- Sikalér : Marga Pesirangan Katuwarah
- Sikangin : Pangkung Buluh
- Sikelod : Telabah Tukad Cangah
- Sikauh : Tukad Nyuling
Sané ngawidangin sor lima dusun utawi banjar dinas:
- Dusun Balepunduk Kalér
- Dusun Balepunduk Kelod
- Dusun Tegallinggah
- Dusun Karang Cermen
- Dusun Nyuling
Santukan mangda prasida kamekarang perlu wangunan Kantor Désa tur prajuru sauntara, sapunika Susunan Panitia Pawangunan Kantor Désa Pasiapan Tegallinggah daweg nika;
- Pamucuk : I Wayan Sura
- Sekretaris: I Gede Sudiarsa
- Bendahara : Kaur Kajinahan Désa Induk (Ni Ketut Rasmin)
Saking pakaryan panitia antuk ngamargiang sosialisasi pangaptian tur tatujon pamekaran désa, Panitia ngeduk potensi Désa Tegallinggah tur selanturné ngadayang sosialisasi majeng panjakné dados wujud swadaya panjak, Pawangunan Kantor punika prasida mamargi antar tur ngantos mangkin Wangunan Kantor Désa Tegallinggah kantun becik.
Ring warsa 1995 Désa Tegallinggah lan Désa Bukit katetapang dados Désa Persiapan, daweg nika Tegallinggah kaamong olih I Madé Nirka, sané taler ngarangkep dados Klian Dusun Tegallinggah. Pamargi sesana daweg nika ngacakupin orti acara APPKB, tur kantun dados tanggung jawab/koordinasi nuju Désa Tumbu (Induk). Pamuputné pinanggal 11 Maret 1997, Désa Persiapan Tegallinggah resmi dados désa Difinitif mawit saking Séwala Kaputusan Gubernur Bali Nomer: 68 Warsa 1997 antuk nganetapang Désa Persiapan Tegallinggah dados Désa Difinitif, sapunik wesana manggala désa punoka ring kirang saking awarsa patut ngamargiang Pamilihan Perbekel Désa Tegallinggah sacara Démokratis ring 1998, sapunika calon kapilin daweg nika I Wayan Alit, tur kalantik dados Perbekel Désa Tegallinggah, mawit Sewala Kaputusan Bupati Karangasem Nomér : 437 warsa 1998, pinanggal 1 Désémber 1998, antuk ngamong 8 warsa wesana 1998-2006.[5]
Géograpi
uahDésa Tegallingah madué jimbar wawidangan 4,05 km² miwah wénten ring tegeh rata-rata 180 méter saking duur pamukaan segara (mdpl).[6]
Wates wewidangan
uahWates wewidangan Désa Tegallingah, inggih punika:
| Kalér | Désa Tiyingtali |
| Kelod | Désa Tumbu |
| Kauh | Kalurahan Karangasem |
| Kangin | Désa Bukit |
Pamréntahan
uahDésa Dinas
uahMawit administrasi Désa Tegallinggah kakepah antuk tinggang banjar dinas taler kalih lingkungan inggih punika[7]:
- Banjar Dinas Balépunduk Kalér
- Banjar Dinas Balépunduk Kelod
- Banjar Dinas Tegallinggah
- Lingkungan Karang Cermén
- Lingkungan Nyuling
Perbekel
uahPuniki lis perbekel sané kantun ngamong utawi polih ngamong Désa Tegallinggah.
| No | Wesana | Perbekel | Ket. |
|---|---|---|---|
| 1 | 1998-? | I Wayan Alit | |
| ? | ? | I Ketut Gélgél | [8] |
| ? | ? | I Gedé Sudiarsa |
Désa Adat
uahMawit adat, Désa Tegallinggah manados wagian saking Désa Pakraman Karangasem.[9][10]
Démograpi
uah| Warsa | Pop. | ±% |
|---|---|---|
| 2016 | 3.186 | — |
| 2017 | 3.239 | +1.7% |
| 2018 | 3.236 | −0.1% |
| 2019 | 3.130 | −3.3% |
| 2020 | 3.170 | +1.3% |
| 2021 | 3.174 | +0.1% |
| 2022 | 3.229 | +1.7% |
Ring warsa 2016, akeh krama ring désa puniki kakepah antuk 1.537 lanang miwah 1.649 istri taler séks rasio nyané 93.[1]
Subak
uahSubak punika lembaga tradisional para petani ring Bali, manados sistem patoyaan sané maaled petani, pinaka lembaga sané mandiri miwah démokratis. Kawéntenan subak sané sampun nagih amillénnium nganti mangkin, punika ngacihnain pinaka subak satunggal lembaga irigasi tradisional ajég miwah lestari.
Subak uma puniki tatujon utama inucap antuk ngawagi karen ring pangelolaan toya miwah kala matanduran ring uma. Ring wawidangan Désa Tegallingah kawéntenan kalih subak uma, inggih punika:[11][12]
- Subak Balépunduk
- Subak Tegallinggah
Pustaka
uah- ↑ 1,0 1,1 1,2 "Kecamatan Karangasem dalam Angka 2017" (ring Indonesia). Badan Pusat Statistik Indonésia. 2017. Kaaksés 16 Désémber 2018.
- ↑ "Penduduk Indonesia Menurut Desa 2010" (PDF) (ring Indonesia). Badan Pusat Statistik. 2010. p. 1379. Kaaksés 14 Juni 2019.
- ↑ "Prodeskel Binapemdes Kemendagri". Kaarsipin saking versi asli tanggal 2022-04-01. Kaaksés 2022-04-10.
- ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaarsipin saking versi asli tanggal 29 Désémber 2018. Kaaksés 3 Oktober 2019.
- ↑ "Sejarah Singkat Desa Tegallinggah". Desa Tegallinggah (ring Indonesia). Kaaksés 2024-02-12.
- ↑ Indonésia, topographic-map.com, kaaksés 16 Séptémber 2021
- ↑ (Indonésia) Data Désa & Lurah (PDF), Pemerintah Kabupatén Karangasem, kaarsipin saking versi asli (PDF) tanggal 2023-04-04, kaaksés 20 Séptémber 2020
- ↑ "Data Désa dan Kelurahan di Bali" (PDF). karangasemkab.go.id. Kaarsipin saking versi asli (PDF) tanggal 2023-04-04. Kaaksés 13 Méi 2020.
- ↑ (Indonésia) Désa Pakraman, Dinas Kebudayaan Kabupatén Karangasem, kaarsipin saking versi asli tanggal 2020-10-13, kaaksés 22 Séptémber 2020
- ↑ Data Désa Adat Kabupatén Karangasem, NangunSatKertiLokaBali.com, kaarsipin saking versi asli tanggal 11 November 2020, kaaksés 9 November 2020
- ↑ Subak, Dinas Kebudayaan Kabupatén Karangasem, kaarsipin saking versi asli tanggal 2021-10-21, kaaksés 17 Oktober 2020
- ↑ Subak Abian, Dinas Kebudayaan Kabupatén Karangasem, kaarsipin saking versi asli tanggal 2021-10-21, kaaksés 17 Oktober 2020
Pranala jaba
uah- (Indonésia) Situs Resmi Propinsi Bali Archived 2023-08-20 at the Wayback Machine
- (Indonésia) Badan Pusat Statistik Propinsi Bali
- (Indonésia) Situs Resmi Kabupatén Karangasem
- (Indonésia) Badan Pusat Statistik Kabupatén Karangasem
- (Indonésia) Website Desa Tegallinggah
cutetan: URL dados kauahin/ilang. Yening URL nenten aktip, ngiring kaapus saking lis.