Selat Lombok
Selat Lombok, silih tunggil selat sané ngubungan Segara Bali sareng Samudra Hindia, selat punika dados pewates pantaraning Nusa Bali miwah Nusa Lombok ring Indonésia.
| Selat Lombok | |
|---|---|
 | |
  Selat Lombok | |
 | |
| Koordinat | 8°46′S 115°44′E / 8.767°S 115.733°E |
| Tipe | selat |
| Basin saking negara | Indonésia |
| Lantang maks. | 60 km (37 mi) |
| Linggah maks. | 40 km (25 mi) |
| Linggah min. | 20 km (12 mi) |
| Dalem maks. | 250 m (820 ft) |
| Nusa | Kapuloan Gili, Gili Mimpang, Gili Biaha, Gili Selang, Gili Tepékong. |
Lantang pinih cupek ipun ring sisi kelod, kirang langkung 20 km pantaraning Nusa Lombok miwah Nusa Penida, ring tengah selat punika. Ring sisi kalér lantang ipun 40 km. Lantang total punika 60 km, mawinan dalem selat puniki 250 m.[1] — luwih dalem saking Selat Malaka — kapal nénten prasida ngaliwat ring Selat Malaka kawastain kapal Malakamaks, wénten sané nganggén Selat Lombok mawinan dalem.
Selat Lombok kasub dados situnggil utama antuk Aliran Indonésia sané nukar toya pantaraning Samudra Hindia miwah Samudra Pasifik.
Taler dados pewates biogéograpi pantaraning beburon saking Indomalayan miwah beburon saking Australasia. Wates punika kauningin antuk Garis Wallace, kepanggih oleh Alfred Russel Wallace, sané kapertama maswara punika beburon ring Indomalaya miwah beburon Australasia metiosan, wantah kewatesin olih kalih bioma.
Lelintihan
uah
Duk manggala Anggara umanis Perangbakat saka 1614, prajurit raja Karangasem sané kapimpin olih I Gusti Anglurah Ketut Karangasem sareng Arya Kertawaksa miwah 40 prajurit saking Désa Seraya hangkat nganggén papat jukung saking pesisi Jasri. Ring tengah selat Lombok ngenah akeh kupu-kupu kuning makeber magelombang saking angkasa miwah menyarengin nyebrang segara, dados prabawa ring selat Lombok.[2][3] Sané mangkin dados igelan Tari Kupu-kupu Kuning ring désa Penaban.
Transportasi
uahTransportasi sané keanggén antuk nyebrangin selat puniki wantah nganggén kapal, minakadi nganggén féri saking Bali ring Padangbai taler saking Lombok ring Lémbar, sué penyebrangan nganggé féri katempuh 4-6 jam. Ring Padangbai kawéntenang taler transportasi speedboat sané nempuh 1.5 jam.[4]
Tiosan penyebrangan Bali-Lombok, Selat Lombok dados genah penyebrangan ka Nusa Penida, wénten féri roro tetujon Nusa Penida wantah kaping kalih serahina, taler wentén speedboat tetujon Nusa Penida miwah saking Kusamba tetujon Nusa Penida
Ekologi
uahToya arus ipun saking kalér ngelodang, ring nampek Nusa Penida kawéntenan arus kuat sané mapiteh, mawinan ring sisi kelod toya ipun ayub, suhu rata-rata nyané 26-27 °C. Niki mawinan akéh beburon nganggén selat puniki, ekosistem nyané becik taler akéh ragam ipun. Sekadi kakya miwah manta.[5] Suhu sané nentén pasti ring selat Lombok puniki ngeranayang arus nyané nentén prasida kacawang becik.
Pustaka
uah- ↑ Susanto, R. Dwi; Leonid Mitnik; Quanan Zheng (December 2005). "Ocean Internal Waves Observed in the Lombok Strait" (PDF). Oceanography (ring Inggris). p. 83. Kaarsipin saking versi asli (PDF) tanggal 9 October 2011. Kaaksés 16 May 2008.
- ↑ "Kupu-Kupu Kuning Penunjuk Arah Perajurit Kerajaan Karangasem Saat Menyerang Kerajaan Selaparang" (ring Indonesia). Bali Puspa News. 15 June 2017. Kaaksés 30 May 2020.
- ↑ Anak Agung Ktut Agung (1990), Kupu-kupu Kuning yang Terbang di Selat Lombok: Lintasan Sejarah Kerajaan Karangasem, 1661-1950 (ring Indonesia), UGM Press
- ↑ "Menyeberang ke Lombok dari Bali Via Laut? Perhatikan 4 Hal Ini" (ring Indonesia). Kompas. 19 Méi 2016. Kaaksés 30 May 2020.
- ↑ Taniguchi, Naokazu; Kida, Shinichiro; Sakuno, Yuji; Mutsuda, Hidemi; Syamsudin, Fadli (2019), "Short-Term Variation of the Surface Flow Pattern South of Lombok Strait Observed from the Himawari-8 Sea Surface Temperature" (PDF), Remote Sensing (ring Inggris), 11 (12)
Suratan
uah- van Oosterzee, Penny (1997). Where Worlds Collide: the Wallace Line.
- Map Duur Segara Aab Pleistosin Archived 2009-03-17 at the Wayback Machine
- Wallacea - wewidangan transisi saking Asia ka Ostrali.
- Dawkins, Richard (2004). The Ancestors Tale. Weidenfeld & Nicolson. ISBN 0-7538-1996-1. Chapter 14 - Marsupials.
| Wikimédia Commons madué média indik Lombok Strait. |