Tari Margapati


Tari Margapati inggih punika silih tunggil sasolahan sané wénten ring Bali. Tari Margapati wantah sasolahan kekebyaran.Tari Margapati kakaryanin olih I Nyoman Kalér ring warsa 1942. Tari puniki kasusun antuk campuran koreografi gaya Bali Utara miwah Bali Selatan. Tari Margapati rumasuk ring sesolahan putra keras.

Arti Kruna Margapati uah

Kruna Margapati mawit saking kruna "mrga" sané maarti beburon miwah "pati" sané maarti prabu utawi raja. Tari puniki nyihnayang parilaksana prabu alas utawi singa ri tatkala ngrereh mangsa ring tengah alas. Tiosan punika, wénten malih sané ngartiang arti wastan sasolahan punika. Kruna "marga" ring Bali kaartiang dados "jalan" miwah kruna "pati" sané madué arti séda utawi "kematian". Nika mawinan, tari puniki kaartiang dados "jalan menuju kematian" utawi sasolahan sané nyihnayang anak istri sané pelih milih margi mawinan tari puniki biasané kasolahang olih pragina istri nganggén gerakan – gerakan sané nyihnayang anak lanang.[1]

Tata Busana uah

Tari Margapati madué tata busana sané mabinayang sareng tari Bali sané lianan. Tata busana Tari Margapati inggih punika :

Désain Atas

–  Nganggén udeng pepandekan

–  Nganggén badong.

Désain Badan

Pakaian Dalam saking Tari Margapati

–  Tapih

–  Sabuk stagen (lantangnyané kirang langkung 8 m)

Pakaian Luar saking Tari Margapati

–  Kamen Prada

–  Sabuk Prada

–  Gelangkana

–  Ampok-ampok[2]

Pustaka uah

  1. Margapati Dance Bali - The Dance of the Savage Lion, Bigbog Bali, kaaksés 19 Agustus 2021
  2. "Mengenal Tari Margapati | budipramana". budipramana | Blog (ring Inggris). 2018-03-06. Kaarsipin saking versi asli tanggal 2021-06-12. Kaaksés 2021-06-12.