Prasi
Prasi silih tunggil dresta ngambar lakaran utama inucap don ental, sané witnyané saking kakawin sekadi Ramayana, Mahabharata miwah satua tradisional krama Bali. Prasi puniki mapaiketan sareng lontar, asapunika ring aab sané lintang durung kawéntenang kertas, jadma sané dumunan nganggén lontar manados nyurat satua, babad, kakawin miwah sané liyanan, punika kawéntenang sané ngambar ring lontar sané mangkin kauningin antuk prasi.
Prasi pinaka komik ring aab sané lintang, punika lontar kadagingin gambar mangda luwih kasenengin. Gambar sané kakaryaning punika saking swatek ring pawayangan miwah pelintangan, sekadi Ganesa, Garuda, Ramayana, Saraswati, Barong, Legong miwah sané liyanan. Prasi kawarisin saking para sadurungnyané.
Prasi sané mangkin kantun kalastariang olih seka-seka pangrajin miwah panyurat lontar, tiosan punika prasi sampun manados komoditi wisata utawi cendramata, ring wewidangan wisata sekadi Désa Adat Tenganan Pegringsingan, Désa Adat Tenganan Dauh Tukad miwah Désa Sidemen. Sané prasida punika magantung urip manadosang prasi dados pangupa diri inucap. [1]
Piranti
uahNyurat Prasi patut sampun wikan nyurat ring duur lontar miwah wikan antuk ceciren lontar sané pacang kaanggén. Lakaran anggén nyurat prasi sekadi :[1]
- Pepesan
- Pangerupak
- Pangutik
- Paser
- Tingkih
- Benang
- Tiing
Parilaksana
uahSadurung nyurat prasi wénten parikama utawi urutan tata cara ipun, sekadi:[1][2]
- Milihin don siwalan
Kawéntenang makudang-kudang indik don lontar, kualitas ipun mingaruhin asil prasi nyané, sané ketah kaanggén punika don siwalan sané alus, lemuh, pinaka kasuratin utawi karupakin swara ipun nénten ageng, mawinan don nyané luwih tipis. Medué ageng sané lantang tur linggah, don nyané lemuh miwah maserat alus, sesampun kajemuh warna ipun dados sekadi kulit taluh
- Panjemuhan
Don sané sampun kapilih punika kapotong, miwah kakesit, manutin ukuran sané karereh, selanturné kajemuh.
- Panguuman
Don sané sampun tuh kakum ring toya tawar sawatara 3 minggu mangda polih lontar sané becik. Ring panguman puniki toya nyané kagentosin 2-3 nganti toya kumaan manados ening. Salanturné kadayuhin malih nganti tuh.
- Palablaban
Don punika kalablab mangda klorofil miwah sari pati inucap ical, punika sané mawinan don langkung awét taler nénten karereh olih soroh gumantat gumintit.
- Panjepitan miwah pawarnaan
Panjepitan kamargiang mangda don punika prasida beneng, taler don punika prasida nyansan nipisang, manados lemuh nganggé blagbag, kadahingin pasak sabilang petang utawi limang rahina kagebuk olih pangrajin mangda polih pepesan sané becik.
Panyuratan
uahSesampun don lontar sampun prasida kasuratin prasi, wénten tata cara utawi parerem pacang makarya prasi, sekadi:[1]
- Tata panyuratan utawi pangambaran
Sané sampun wikan ngerupak pacang langsung ngambar ring duur lontar, menawi sané wawu malajah patut ngaryanin mal ring duur lontar inucap, mawinan sané sampun karupak nénten prasida kabecikang malih.
- Pawarnaan
Sesampunné panyuratan nyané puput, kalanturang pawarnaan saking tingkih sané katunu ngantos puun, salanturné katumbuk miwah kacampuh minyak kalapa. Pawarnaan inucap kamargian antuk molesin duur lontar sané karupak mangda kerupakaan punika madaging ireng nyané.
- Pamuput
Ring untat punika minyusunin lontar sané sampun kakaryanin, ngiket antuk benang utawi jinah bolong, miwah ngadagingin tiing.
Pustaka
uah- ↑ 1,0 1,1 1,2 1,3 Prasi, Direktorat Warisan dan Diplomasi Budaya Kementerian Pendidikan dan Kebudayaan Républik Indonésia, kaarsipin saking versi asli tanggal 2021-08-01, kaaksés 3 Pébruari 2021
- ↑ Lontar Bali Warisan dan Tradisi Manuskrip Masyarakat Bali, komangputra.com, kaaksés 10 Pébruari 2020