Pagerwesi
Pagerwesi (aksara Bali: pagĕŕwĕsi) inggih punika rahina Agama Hindu sané kalaksanayang nyabran Buda Kliwon wuku Sinta, utawi petang rahina sasampun rahina Saraswati. Pagerwesi kalaksanayang antuk ngaturang bhakti majeng ring Sanghyang Pramesti Guru pinaka manifestasi saking Ida Sang Hyang Widhi Wasa. Pagerwesi mawit saking kruna Pager sané maartos pagar miwah kruna Wesi sané maartos besi. Nika mawinan rahina Pagerwesi matetujon mangda umat Hinduné prasida magehang raga ri tatkala nyalanang kauripan ring jagaté.[1]
Ring Lontar Sundarigama, Pagerwesi inggih punika pemujaan Dewa Siwa ring manifestasinyane dados Sang Hyang Pramesti Guru. Guru puniki inggih punika catur guru. Guru Rupaka (rerama), Guru Pengajian (guru ring sekolah), Guru Wisesa (pamrentahan) miwah Guru Swadyaya (Ida Sang Hyang Widhi).[2]
Ring Denbukit, Pagerwesi dados rahina sané banget pininget tur rame. Panyanggran rahina Pagerwesi ring Denbukit kirang langkung pateh ramene saking Galungan ring Bali kelod.
Pustaka uah
- ↑ "Selamat hari raya Pagerwesi bagi umat hindu". SIPP (ring Inggris). Kaarsipin saking versi asli tanggal 2021-02-08. Kaaksés 2021-02-03.
- ↑ "Makna Hari Suci Pagerwesi". Tribun Bali (ring Indonesia). Kaaksés 2021-02-03.