Kaléndér Bali saka

Kaléndér Saka inggih punika kalendér sané kaanggén olih krama hindu ring Nusa Bali lan Nusa lombok. Malianan ring Kaléndér pawukon sané madué 210 dina, kaléndér saka puniki malakar antuk sasih lan madué dina kirang langkung pateh ring kalender Grégorian. Penanggalan rin kalender saka wantah penanggalan "konvensi"[1]. Penaggalan punika nenten ngange penanggalan astronomis sekadi kalender Hijriah nenten taler ngange penanggalan aritmatis sekadi kalender jawa. nanging kirang langkung antara kakalih.

Lukisan palelintangan kalender saka Bali
Informasi indik kalender saka Bali.

Kaléndér Saka sané akeh kaangen inggih punika kalender cetak sané kaploporin olih Ketut Bangbang Gede Rawi. Dewasne mangkin akeh ipun kalender saka sané katemuin ring piranti elektronik minakadi komputer lan smartphone[2].

Wastan-wastan SasihSunting

No Penanggalan Saka Bali Lami Dina
1 Kasa 30
2 Karo 29
3 Katiga 30
4 Kapat 29
5 Kalima 30
6 Kanem 29
7 Kapitu 30
8 Kawolu 29 / 30
9 Kasanga 29 / 30
10 Kadasa 29
11 Jiyestha 30
12 Sadha 29
13 Bulan kabisat (30)
Katahipun 353-355/(383-384)

Lami sasihSunting

Ring a Wulan Chandra utawi a sasih wenter 30 dina, 15 dina sadurung purnama kawastanin penanggal utawi suklapaksa, 15 dina sadurung tilem kawastanin panglong utawi oanglong utawi kresnapaksa. Ring kalender cetak penaggal kasurat mawarna abang utawi barang saking penanggal 1 ngantos penaggal 15 ring dina purnama. Sakewanten panglong kasurat mawarna ireng utawi selem saking panglong 1 ngantos panglong 15 ring dina tilem.

Lami saih utawi wulan Chandra nenten pateh banding ring wulan surya. Lami sasih berfluktuasi tergantung ring doh bulan lan gumi ring orbit elipsnyane. Riantuka punika lami warsa surya kirang langkung 11 dina lamian bandingang ring warsa chandra. Duaning punika senangken kirang langkung 3 warsa chandra kaengsubang sasih chandra asiki sané kawastanin sasih kabisat[1]. Sasih kabisat puniki kantu rancu genahnyane ring kalender saka Bali.

Rahinan lan PiodalanSunting

Rahinan Hindu sané madasar ring penaggalan sasih inggih punika rahina Nyepi lan Siwaratri. Rahina Nyepi kalaksayanang ring penanggal apisan Sasih Kadasa. Rahina Siwaratri kalaksayanang ring panglong ping 14 sasih Kapitu. Piodalan sané ngagge penaggal kalender saka contonyane Bhatara Turun Kabeh, ring Pura Penataran Agung Besakih Karangasem sané kalaksayanang ring purnama sasih Kadasa lan piodalan ring Pura Jagatnatha, Denpasar sané kalaksayanang ring Purnama sasih Jiyestha.

PustakaSunting

  1. 1,0 1,1 "Babad Bali - Balinese Saka Calendar". www.babadbali.com. Retrieved 2020-04-07.
  2. Cahya Prawira, I Putu; Arya Sasmita (Gusti Made). "Pengembangan Aplikasi "Kalender Saka Bali" pada Sistem Operasi Machintos". MERPATI. 3 No. 2: 58. Check date values in: |date= (help)