Siwaratri

Rahina Hindu Bali

Śiwaratri utawi Śiwalatri (aksara Bali: śiwaratri) inggih punika upacara umat Hindu sané kalaksanayang nyabran warsa anggén mikélingin rahinannyané Ida Sang Hyang Siwa. Upacara puniki taler kabaos padmarajaratri. Wénten taler sané maosin pinaka Maha Siwaratri. Siwaratri maartos pinaka rahina Bhatara Siwa mayoga. Upacara puniki kagelarang nyabran warsa ring purwaning Tilem utawi panglong ping 14 sasih Kapitu.

Arca Bathara Shiwa sané tegehnyané 19,5 meter ring Murugeshpalya, Bangalore, India

Saantukan punika, umat Hinduné ngalaksanayang parikrama-parikrama sané matetujon anggén nyuciang raga, ngulengang pikayun ring Ida Bhatara Siwa pinaka utsaha ngeret indria mangda sayan éling ring kasujatian urip. (atutur ikang atma ri jatinya)[1]

Ring Bali ketah kauningin wénten undagan utawi sor singgih ri tatkala ngalakasanayang brata ring rahina Siwaratri antuk ngelarang upawasa, monabrata, miwah jagra. Indik punika kawedarang kadi ring sor puniki:

  1. Utama, antuk ngalaksanayang Monabarata (meneng utawi nénten masuara).
  2. Madya, antuk negelarang upawasa (nénten ngrayunan miwah nginum inuman)
  3. Nista, antuk nglaksanayang Jagra.

PustakaUah

  1. Galang, Yayasan Bali. "Hari Raya Siwa Ratri". Babad Bali - Siwaratri. Kaakses 12 Januari 2021.

Cingak masihUah