Kajompot
Kajompot (Crassocephalum crepidioides) satmaka entik-entikan saking kaluwarga Asteraceae. Terna puniki ketah nyané tumbuh liar dados gulma ring sisi marginé, ring kebun-kebun pekarangan, utawi ring tanah sané nénten kaurus; ring duur 200 m rds.
| Kajompot | |
|---|---|
| |
| Kajompot, Crassocephalum crepidioides Darmaga, Bogor | |
| Klasifikasi ilmiah | |
| Krajaan
|
|
| (ten wénten takson)
|
|
| (ten wénten takson)
|
|
| (ten wénten takson)
|
|
| Bangsa
|
|
| Familia
|
|
| Suku
|
|
| Marga
|
|
| Spésiés
|
C. crepidioides
|
| Adan Binomial | |
| Crassocephalum crepidioides (Benth.) S. Moore
| |
| Sinonim | |
|
Daftar sumber:[1]
| |
Aran
uahRing basa Inggris kauningin antuk ebolo, thickhead, redflower ragleaf, atau fireweed. Ring Indonésia, ketah kauningin antuk 'sintrong. junggul, bagini, jambrong, tespong (Sunda), jombloh, mandrung-mandrung, puyung miwah taplek (Jawa). Ring Bali akéh madué aran sekadi kajelengot, jepen-jepen, kajongot, kajungutan, kajongotan[1]
Pemerian
uahTerna tegak, tegeh nyané 1 m, arum aromatis ri kala karemes. Batang belek meralur-alur endep. Don-don kasebar, antuk carang nyané ketah ngelingker. Lembaran don jorong ngelantang miwah bunter taluh kewalik, 8–20 × 3–6 cm, antuk pangkal ngangsur nyupek selantang carang don miwah ujung landep, matepi rata utawi malekuk nganti kakepah manyirip, magigi megerigi kasar miwah lanpe. Don pinih duur luwih alit miwah ketah kuncup.[2]
Sekar majemuk marupa bongkol-bongkol kasusun malai rata terminal. Bongkol gadang antuk ujung kudrang coklat nganti barak bata, tabung, 13–16 × 5–6 mm, mengangguk; tegak risampuné dados woh. Mahkota jenar, antuk ujung baran mesawang coklat, metaju-5. Woh keras (achene) berag ngelantang, sekadi gelendong meusuk 10, sawatara 2,5 mm; antuk akéh rambut sikat (pappus) mawarna putih, 9–12 mm.[2][3]
Ékologi miwah pasebaran
uah
Kajompot asl ipun saking Afrika tropis, mangkin sampun ring sajebag wewidangan tropika ring Asia. Ring Indonésia, gulma kecatet kapertama ring Medan warsa 1926. Selanturnyané kasebar ring Jawa, miwah kasebar ring Nusantara.[3]
Ketah katemu ring tanah-tanah kalantar sané subur, sisi tukad, sisi margi, kebun-kebun teh miwah kina, kautama ring wagian sané ayub, nganti duur 2.500 m rds. Taler ring carik-carik sané tuh. Wiji-wiji (woh) kasebar olih angin. Yadiastun masekar sapawarsa, terna rumasuk entik-entikan sané aluh kapademang.[3]
Kawiguna
uahKajompot punika lalap miwah jangan sané kasenengin ring Jawa Barat, keanggén pecel ring Jawa Tengah, keanggén urab utawi jangan[1][2] Ring Afrika, mabiayan keanggén jangan, wénten wagian sané keanggén sebagai bahan tamba tradisional; riantara nyané antuk sungkan perut, lempuyengan, metatu, miwah sané liyané.[4] Kajompot madué akedik astringen sané netral. Prasida dados antiradang, hemostatis, tonikum, pencahar, miwah emetik (ngerangsang ngutah). Herba entikan prasida keanggén tamba gelem, radang amandel, miwah eksem.[1] Gulma ini juga disukai sebagai pakan ternak.[3]
Kacawang entikan puniki kekandung alkaloida pirolizidina sané prasida ngemicu tumor.[5]
Pustaka
uah- ↑ 1,0 1,1 1,2 1,3 Dalimartha, Setiawan (2006). Atlas Tumbuhan Obat Indonésia. 4. hal.73 & 82-83. Jakarta:Puspa Swara. ISBN 979-1133-14-X.
- ↑ 2,0 2,1 2,2 Steenis, CGGJ van. 1981. Flora, untuk sekolah di Indonésia. PT Pradnya Paramita, Jakarta. Hal. 417
- ↑ 3,0 3,1 3,2 3,3 Soerjani, M., AJGH Kostermans dan G. Tjitrosoepomo (Eds.). 1987. Weeds of Rice in Indonésia. Balai Pustaka, Jakarta. p. 72–73 (illust.)
- ↑ Denton, O.A., 2004. Crassocephalum crepidioides (Benth.) S.Moore[permanent dead link]. [Internet] Record from Protabase. Grubben, G.J.H. & O.A. Denton (Editors). PROTA (Plant Resources of Tropical Africa / Ressources végétales de l’Afrique tropicale), Wageningen, Netherlands. <http://database.prota.org/search.htm Archived 2013-01-26 at the Wayback Machine>. Diakses 5 Maret 2010
- ↑ Fu, P.P., Y.C. Yang, Q. Xia, M.C. Chou, Y.Y. Cui, G. Lin. "Pyrrolizidine alkaloids-tumorigenic components in Chinese herbal medicines and dietary supplements". Journal of Food and Drug Analysis, Vol. 10, No. 4, 2002, pp. 198-211
Pranala jaba
uah| Wikimédia Commons madué média indik Crassocephalum crepidioides. |