Pasung (jaja)
(Kagingsirang saking Jaja Pasung)
Jaja pasung inggih punika silih tunggil sanganan sané wénten ring Bali. Jaja puniki malakar aji ketan sané mawarna putih. Ketan punika malablab dumun raris kacampuhin sareng tepung baas miwah nyuh sané sampun makikih mangda prasida masikian. Salanturnyané kabungkus antuk don biu utawi don tiing mawentuk lanying tur mamuncuk. Ring tengah campuhan ketan sareng tepung kadagingin gula bali. Sasampun kaiket antuk semat utawi tiing raris kakukus ngantos lebeng. Jaja pasung ketahnyané kaadol ring pasar taler kaanggén ri kala wénten upakara olih krama Baliné. Silih tunggil désa sané kantun ngajeng sanganan puniki ngantos mangkin inggih punika désa Gitgit sané wénten ring Kabupatén Buléléng. [1]
 potrek jaja pesung saking arep | |
| Tipé | jaja |
|---|---|
| Sajian | abungkul |
| Mawit saking | Indonésia |
| Wawengkon utawi wewidangan | Bali |
| Suhu penyajian | anget, dingin |
| Lakaran utama | tepung baas miwah nyuh |
Pustaka
uah- ↑ "Pasung, Jajan Bali Khas Désa Gitgit". bisnisbali.com. Kaarsipin saking versi asli tanggal 25 January 2020. Kaaksés 25 January 2020.