Laklak

(Kagingsirang saking Jaja Laklak)

Laklak inggih punika silih tunggil sanganan sané wénten ring Bali sané kakaryanin antuk tepung baas sané mawarna putih wiadin gadang. Bahan sané kaanggén ngaryanin laklak minakadi tepung, don kayu manis, don pandan, santen, tasik, miwah pamor. Tata cara ngaryanin jaja laklak sané kapertama inggih punika tepung, don kayu sugih miwah don pandan kaulet saha kaimbuhin antuk santen, tasik, miwah pamor mangda laklaké prasida empuk. Yéning sampun raket adonannyané raris kakukus ring panyangkaan sané malakar antuk tanah liat saha kapunpunin ring jalikané nyantos rateng. Yéning sampun rateng raris kacacarang antuk don biu miwah kadagingin kelapa sané makikih maibuh gula barak.[1]

Laklak
Jaja Laklak
saking pasar désa Mas, Gianyar
Wastan sané tiosanSerabi
TipéJaja
Mawit sakingIndonésia
Wawengkon utawi wewidanganBali
Lakaran utamaTepung, don kayu manis, don pandan, santen, tasik, miwah pamor

Laklak punika lumbrah kaadol ring warung sisin margané. Laklaké punika beciknyané karasayang anget–anget katimpalin kopi wiadin téh. Indik pangargan laklaké wantah siu tali atebih tur kasarengin antuk unti sané malakar aji campuran nyuh makihkih miwah gula bali baduurnyané.

Pustaka uah

  1. "resep jaje laklak - YOEXPLORE, Liburan Keluarga - Kuliner khas Bali". Majalah YoExplore (ring Indonesia). 2019-06-12. Kaaksés 2020-07-27.