I Putu Supartika
I Putu Supartika (embas ring Selumbung, Manggis, Karangasem, 16 Juni 1994;yusa 30) inggih punika silih tunggil pangawi Basa Bali. Dané tamat saking SMA Negeri 1 Manggis ring warsa 2012, lantas nglanturang kuliah ring Univérsitas Pendidikan Ganesha, Singaraja tur ngambil Jurusan Pendidikan Matematika. Yadiastun ngranjing ring jurusan matematika, I Putu Supartika makéh nyobyahang karya sastra Bali modérn minakadi cerpén miwah puisi. Dané ngawit malajah nyurat ri kala kantun SMA saking ngwacén carita utawi puisi sané wénten ring internét.[1] Okan sulung saking pasangan I Wayan Kerti dan Ni Luh Suweca.[2] Ipun masih ngmolihang Penghargaan Sastra Rancage ring bidang jasa warsa 2017.
| I Putu Supartika | |
|---|---|
| Embas | 16 Juni 1994 Selumbung, Manggis, Karangasem, Bali |
| Mabangsa | Indonésia |
| Kauningin | pangawi sastra Bali |
Pakaryan
uahKaryannyané sané mabasa Bali naenin kawedar ring Bali Orti (Bali Post), Médiaswari (Pos Bali), Majalah Éksprési, miwah Majalah Satua. Tiosan punika, I Putu Supartika taler nyobyahang karya sastra ring basa Indonésia tur kawedar ring Bali Post, Pos Bali, Dénpost, Indopos, Buletin Jejak, Jurnal Sastra Santarang, Média Indonésia, Suara Merdéka, Majalah Éksprési, Radar Surabaya, Koran Sastra Mata Banua, Buletin Mantra, Ogan Ilir Éksprés, Jogja Réview, miwah Suara Karya. Karyané inggih punika:[2]
- Yen Tiang Dadi Présidén pupulan satua cutet warsa 2014.
- Lelakut, pupulan puisi Bali warsa 2015.
- Joged lan Bojog Lua Ané Setata Ngantiang Ulungan Bulan Rikala Bintang Makacakan di Langité, pupulan satua cutet ring warsa 2017, penerbit Pustaka Ekspresi.[3]
Puisi
uahPuisi Balinnyané kamuat ring Antologi Puisi Bali Modérn Angripta Rum (2015). Puisi basa Indonésiané taler kamuat ring antologi puisi;
- Mémo untuk Présidén (2014),
- Merangkai Damai (2014),
- Tentang Kota yang Menjaga Takbir dalam Degup Dada (2015)
- Abad Burung Gagak di Tanah Paléstina (2015).[1]
Blog
uahIpun tasih ngwedharang blog mabasa Bali kapertama mamurda, Suara Saking Bali.
Pustaka
uah- ↑ 1,0 1,1 "I Putu Supartika". suarasakingbali.com. Novémber 2014. Kaaksés 28 Januari 2020. Check date values in:
|date=(help) - ↑ 2,0 2,1 "Putu Supartika, Mereka Bisa Kenapa Saya Tidak". NUSABALI.com. 29 Novémber 2015. Kaaksés 28 Januari 2020. Check date values in:
|date=(help) - ↑ Putra, I. Nyoman Darma; Antara, I. Gde Nala (30 Oktober 2019). "Tantangan dan Peluang Peningkatan Penerbitan Buku Sastra Bali Modern". Jurnal Kajian Bali (Journal of Bali Studies) (ring Inggris). 9 (2): 475–498–475–498. doi:10.24843/JKB.2019.v09.i02.p10. ISSN 2580-0698. Kaarsipin saking versi asli tanggal 2022-03-22. Kaaksés 2022-03-23.