Suara Saking Bali
Suara Saking Bali inggih punika silih tunggil blog mabasa Bali sané embas Januari 2016. Blog puniki kaadegang olih I Putu Supartika, silih tunggil pangawi sastra Bali. Blog puniki wantah kadadosang sarana magendu wirasa indik sastra Bali modéren. Sadurung blog puniki embas, pangremba nyingakin sapunapi pangembangan sastra Indonésia ring internét. Akéh wénten blog wiadin wébsité sané ngunggahang kakawian sastra mabasa Indonésia marupa satua cutet, puisi, kantos ésai. Kawéntenan sastra Bali modéren ring internét, wantah arang pisan. Nénten akéh blog wiadin wébsité sané ngunggahang kakawian sastra Bali modéren. Sangkaning indiké punika, pangremba pangkah makarya blog mabasa Bali sané ngunggahang kakawian sastra Bali modéren minakadi satua cutet, puisi, ésai, drama, wiadin prosa liris. Lianan ring punika ring blog puniki taler madaging profil pangawi sastra Bali modéren, gatra pangawi, miwah ulasan cakepan sastra.
| Editor | I Putu Supartika |
|---|---|
| Kategori | Sastra Bali Modéren |
| Frekuensi | sasih apisan |
| Negara | Indonesia |
| Mapusat ring | Bali |
Ngawit sasih Nopémber 2016 taler embas Jurnal Sastra Bali Modéren Suara Saking Bali sané embas ngasasih apisan. Jurnal punika prasida kaunduh gratis ring blog Suara Saking Bali antuk format pdf.[1]
Pustaka
uah- ↑ "Indik Blog". Suara Saking Bali. Kaaksés 2021-10-21.
Pranala jaba
uah
 | Suratan indik umum puniki kantun rintisan. Ida dané dados nulung Wikipedia tekén uah miwah nyuratang liyanan. Yéning ida dané ngawacen kaca sané anggén mal {{stub}} puniki, ngiring gingsirang mawit mal rintisan sané luwih spesifik. |