Fisika
Fisika inggih punika studi sains indik materi, konstituen dasar nyane, gerak lan parilaksana nyane malarapan antuk ruang lan waktu, lan sane mapaiketan entitas saking energi miwah gaya.[1] Fisika pinaka silih tunggil disiplin ilmu sané pinih dasar.[2][3][4] Sujana sané ngutamayang widang fisika kasengguh fisikawan.
Fisika inggih punika silih sinunggil disiplin akademik sané pinih purwa.[5]Selami akéh saking kalih milénium sané lintang, fisika, kimia, biologi, miwah makudang-kudang carang matematika wantah pahan saking tatwa alam, sakéwanten selami Révolusi sains ring abad ka-17, ilmu alam puniki macarang dados utsaha seseleh sané mabinayan.[lower-alpha 1] Fisika mairisan sareng akéh interdisipliner widang seseleh, sekadi biofisika miwah kimia kuantum, miwah wates-wates fisika nénten katentuang antuk kaku. Pikayunan anyar ring fisika sering nlatarang mekanisme dasar sané kaplajahin olih ilmu tiosan[2] miwah ngicénin tetimbang pamargi seseleh anyar ring disiplin ilmu akademik puniki miwah tiosan sekadi matematika miwah tattwa.
Panglimbak ring fisika ketah ngawinang téknologi anyar. Minakadi, panglimbak ring pangresepan éléktromagnétisme, fisika indik-padét, miwah fisika nuklir ngawinang langsung panglimbak téknologi sané sampun nguwah krama modérn, sekadi télévisi, komputer, piranti doméstik, miwah sanjata nuklir;[2] kalanturan ring térmodinamika ngawinang panglimbak industrialisasi; miwah panglimbak ring mékanika ngawinang panglimbak kalkulus.
Pustaka
uah- ↑ Maxwell 1878, p. 9 "Ilmu fisika inggih punika departemén pawikanan sané mapaiketan sareng tatanan alam, utawi, antuk kruna sane lianan, sareng suksesi peristiwa sané teratur."
- ↑ 2,0 2,1 2,2 Young & Freedman 2014, p. 1 "Fisika inggih punika silih tunggil sané pinih dasar saking sains. Para sujana saking makasami disiplin ilmu ngawigunayang pamineh fisika, taler sujana kimia sané mlajahin struktur molekul, sujana paléontologi sané nyelehin marékonstruksi sapunapi dinosaurus mamargi, miwah sujana iklimologi sané mlajahin sapunapi pamargin manusa nglalahin atmosphér miwah segara. Fisika taler pinaka dasar saking makasami téknik miwah téknologi. Nénten wénten insinyur sané prasida ngaryanin TV layar datar, kapal ruang angkasa antarplanet, utawi jebakan bikul sané becikan yéning durung ngresepang hukum dasar fisika. (...) Ragané pacang rauh nyingakin fisika pinaka préstasi sané ngelejer saking akal manusa ring sajeroning utsahanyané ngresepang jagat iraga lan raga."
- ↑ Young & Freedman 2014, p. 2 "Fisika inggih punika ilmu eksperimental. Para sujana fisika nyelehin fenomena alam miwah mautsaha ngrereh pola sané mapaiketan sareng fenomena puniki."
- ↑ Holzner 2006, p. 7 "Fisika inggih punika paplajahan indik jagat ragané lan jagat lan alam semesta sane wenten ring sajebag ragane."
- ↑ Krupp 2003
- ↑ Cajori 1917, pp. 48–49
Pikobet nganggit: Ditemukan tag <ref> untuk kelompok bernama "lower-alpha", tapi tidak ditemukan tag <references group="lower-alpha"/> yang berkaitan