Fisika nuklir

Fisika nuklir inggih punika baga fisika sane malajahin inti atom miwah konstituén miwah paiketannyané, tiosan ring malajahin wangun tiosan saking matéri nuklir.

Fisika nuklir nénten dados kabingungang sareng fisika atom, sane malajahin atom makasami, rumasuk éléktronnyané.

Pacundukan ring fisika nuklir sampun ngawinang aplikasi ring makudang baga. Puniki rumasuk wasa nuklir, sanjata nuklir, kadokteran nuklir miwah pancitraan résonansi magnétik, isotop industri miwah pertanian, implantasi ion ring rékayasa lakaran, miwah pananggalan radiokarbon ring géologi miwah arkéologi. Aplikasi sekadi punika kaplajahin ring widang téknik nuklir.

Fisika partikel maévolusi saking fisika nuklir miwah kakalih widang punika katah kaajahin antuk paiketan sané raket. Astrofisika nuklir, aplikasi fisika nuklir ring astrofisika, mabuat pisan ring nlatarang pakaryan batin bintang miwah asal-usul datu kimia.