Bungaya, Bebandem, Karangasem

Aksara Latin
     

Koordinat: 8°27′33″S 115°34′47″E / 8.459244°S 115.579637°E / -8.459244; 115.579637

Désa Bungaya (aksara Bali: buṅaya) inggih puniki silih tunggil désa sané magenah ring Kecamatan Bebandem, Kabupatén Karangasem, Provinsi Bali, Indonésia.[5] Désa Bungaya kakepah dados 15 banjar adat, 2 désa dinas, miwah 17 désa adat sané nyanggra Usaba Dangsil. Désa Bungaya dados silih tunggil désa purwa utawi tua sané wénten ring Bali. Ring désa adat puniki wénten 15 banjar adat sané madaging 15.000 jadma miwah 3.021 kulawarga. Désa Bungaya naenin dados pusat pamerintahan Dalem Waturénggong miwah ring désa puniki dados genah I Gusti Batan Jeruk padem. Wénten tradisi sané kalaksanayang ring désané punika, sakadi Usaba Dangsil, Usaba Dalem, miwah Usaba Memedi. Wastan Désa Bungaya mawit saking kruna Bung miwah Aya, Bung mawit saking Bong/Wong sané maarti jadma, miwah Aya maarti ageng. Punika mawinan Désa Bungaya kapanggil Nyuh Aya/Nyah Aya, kalanturang dados Bungaya/Bungaya sané maarti keturunan jadma sané agung, wénten taler sané ngabaosang Bungaya punika dados simbul saking kajegégan utawi kalemuhan para anak luh bajangné (daha) sané ngigel rejang drika. Ring pamerintahan I Gusti Ketut Alit Ngurah Bungaya, désa Bungaya punika ngamolihang puncak karahayuanné tur Ida taler ngalaksanayang piodalan désa inggih punika Usaba Dangsil.[6]

Bungaya
Peta
Peta genah Désa Bungaya
Negara Indonésia
PropinsiBali
KabupaténKarangasem
KecamatanBebandem
Pamréntahan
 • PerbekelI Gedé Arta Astawa, SH.[1]
Kodepos
80861
Kode Kéméndagri51.07.06.2001 Uah nilai ring Wikidata
Jimbar7,00 km²
Akéh krama5.200 diri (2016)[2]
4.354 diri (2010)[3]
Kepadetan622 diri/km²(2010)
Akéh RW15 Banjar Adat
Akéh KK3.021 KK[4]
Usaba Dangsil ring désa Bungaya, Karangasem

Géograpis uah

Wates Wawidangan uah

Wates wawidangan administratip nyané minakadi:

Kalér Désa Bebandem
Kelod Désa Pertima
Kauh Désa Tenganan
Kangin Désa Bungaya Kangin miwah Kalurahan Subagan

Pamréntahan uah

Désa Dinas uah

Mawit administrasi Désa Bungaya kakepah antuk pitu dusun utawi banjar dinas inggih punika[7]:

  • Dusun Désa
  • Dusun Subagan
  • Dusun Timbul
  • Dusun Béji
  • Dusun Darma Karya
  • Dusun Papung
  • Dusun Lebah Sari

Désa Adat uah

Mawit adat ring Désa Bungaya manados genah Désa Pakraman Bungaya, sané kakepah dados limolas banjar adat inggih punika:[8][9]

  1. Banjar Désa[BY]
  2. Banjar Kelod[BY]
  3. Banjar Tengah[BY]
  4. Banjar Béji[BY]
  5. Banjar Telaga[BY]
  6. Banjar Dharma Karya[BY]
  7. Banjar Subagan[BY]
  8. Banjar Timbul[BY]
  9. Banjar Papung[BY]
  10. Banjar Dharma Laksana[BY]
  11. Banjar Kecicang Bali[BK]
  12. Banjar Abiansoan[BK]
  13. Banjar Sesana[BK]
  14. Banjar Triwangsa[BK]
  15. Banjar Geria Gunung[BK]

Cutetan

  1. BY Magenah ring wewidangan Désa Bungaya
  2. BK Magenah ring wewidangan Désa Bungaya Kangin

Krama uah

Krama désa Bungaya mawit warsa 2016 kawéntenang 4.354 lanang taler 4.348 istri mawit sex ratio 100.[6]

Subak uah

Subak punika lembaga tradisional para petani ring Bali, manados sistem patoyaan sané maaled petani, pinaka lembaga sané mandiri miwah démokratis. Kawéntenan subak sané sampun nagih amillénnium nganti mangkin, punika ngacihnain pinaka subak satunggal lembaga irigasi tradisional ajég miwah lestari.[10][11] Subak bangket puniki tatujon utama inucap antuk ngawagi karen ring pangelolaan toya miwah kala matanduran ring bangket. Ring wawidangan Désa Bungaya kawéntenan kalih subak bangket, inggih punika:[10]

  • Subak Puseh
  • Subak Yéh Sayang

Pustaka uah

  1. "Archive copy" (PDF). Kaarsipin saking versi asli (PDF) tanggal 2023-04-04. Kaaksés 2020-02-18.CS1 maint: archived copy as title (link)
  2. Kecamatan Bebandem dalam angka 2017, hal 42
  3. Penduduk Indonesia Menurut Desa 2010, hal 1385
  4. "Prodeskel Binapemdes Kemendagri". Kaarsipin saking versi asli tanggal 2022-04-01. Kaaksés 2022-04-10.
  5. "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaarsipin saking versi asli tanggal 29 Désémber 2018. Kaaksés 3 Oktober 2019.
  6. 6,0 6,1 "Kecamatan Bebandem dalam Angka 2017" (ring Indonesia). Badan Pusat Statistik Indonésia. 2017. Kaaksés 16 Désémber 2018.
  7. (Indonésia) Data Désa & Lurah (PDF), Pemerintah Kabupatén Karangasem, kaarsipin saking versi asli (PDF) tanggal 2023-04-04, kaaksés 20 Séptémber 2020
  8. (Indonésia) Désa Pakraman, Dinas Kebudayaan Kabupatén Karangasem, kaarsipin saking versi asli tanggal 2020-10-13, kaaksés 22 Séptémber 2020
  9. Data Désa Adat Kabupatén Karangasem, NangunSatKertiLokaBali.com, kaarsipin saking versi asli tanggal 11 November 2020, kaaksés 9 November 2020
  10. 10,0 10,1 Subak, Dinas Kebudayaan Kabupatén Karangasem, kaarsipin saking versi asli tanggal 2021-10-21, kaaksés 17 Oktober 2020
  11. Subak Abian, Dinas Kebudayaan Kabupatén Karangasem, kaarsipin saking versi asli tanggal 2021-10-21, kaaksés 17 Oktober 2020

Pranala jaba uah

cutetan: URL dados kauahin/ilang. Yening URL nenten aktip, ngiring kaapus saking lis.