Bima (Mahabharata)
Bima (Déwanagari: भीम; IAST: Bhīma) utawi Bhimaséna utawi Werkodara (Déwanagari: वृकोदर; IAST: Vṛkodhara) inggih punika silih tunggil tokoh protagonis ring wiracarita Mahabharata. Dane okan Kunti, tur kauningin pinaka tokoh Pandawa sane pinih siteng, tur katakutin olih para meseh dane,[1] yadiastun sujatine dane polos. Dane putra nomer kalih ri sajeroning Pandawa sane akehnyane limang sik. Semeton sane matunggalan aji sareng dane inggih punika Hanoman, wanara sane kasub ring epos Ramayana.
| भीम | |
|---|---|
 | |
| Tokoh Mahabharata | |
| Wastan | Bima |
| Ejaan Déwanagari | भीम |
| Ejaan IAST | Bhīma |
| Wastan liyanan | Werkodara, Bimasena, Bayusuta, Bratasena, Jagal Abilawa, Bimasuci(pendeta) |
| Kitab pustaka | Mahabharata, Bhagawadgita, Purana |
| Saking | Kerajaan Kuru |
| Genah | Hastinapura, lalu pindah ka Indraprastha |
| Kasta | kesatria |
| Pakaryan | Kesatria, juru masak (saat masa penyamaran),pegulat (saat masa penyamaran) |
| Dinasti | Kuru |
| Senjata | Gada, (Jawa) Kuku Pancanaka, Gada Rujakpala(Lambitamuka) |
| Aji | Bayu (de facto), Pandu (sah) |
| Biyang | Kunti |
| Rabi | Dropadi, Hidimbi, Walandara, Nagagini, Urangayu, Rekatawati |
| Okan | Gatotkaca, Sutasoma, Sarwaga, Antareja, Antasena, Srenggini, Sena Pideksa, Sri Pancasena |
Mahabharata nyaritayang indik Bima seda ring gunung sareng semetonne makapatpat rikala Bharatayuddha sampun puput. Satua punika kacaritayang ring jilid ka-18 Mahabharata sane mamurda Mahaprasthanikaparwa.
Bima dados silih tunggil tokoh saking susastra Agama Hindu sané sampun kasub ring sakancan lelampahan wayang. Bima punika wantah okan Sang Prabu Pandu sareng Dewi Kunti saking kota Astinapura, kawéntenannyané ring gumi India. Bima madrebé raka kakalih, mapesèngan Sang Prabu Yudistira miwah Sang Arjuna. Siosan ipun Ida taler madrebé ari kembar kalih, sané mapesèngan Sang Nakula miwah Sang Sahadéwa. Sang Bima punika anak lanang sané wanén, kukuh, turmaning pageh ring sajeroning angga.
Etimologi
uahKruna bhīma ring bahasa Sanskerta madue arti 'ebat', 'dahsyat', 'ngenyehin'.[2] Wastan lianan Bima inggih punika Wrekodara, yening alih aksara bahasa Sanskerta dados vṛkodhara, maarti ialah "basang sregala", saantukan dane seneng ngajeng.[3] Wastan dane sane lianan inggih punika Bhīmasena sane madue arti panglima perang.
Embas
uahRing wiracarita Mahabharata kacaritayang Dewi Kunti nunas majeng ring Dewa Bayu, sang Dewa Angin. Bima embas sangkaning paswecan Dewa Bayu majeng ring Dewi Kunti. Sangkaning paswecan Ida taler, Bima dados anak sane pinih siteng.
Rabi miwah Oka
uahBima meneng ring kadipaten Jodipati, wewidangan Indraprastha. Dane madue tigang rabi tur tigang oka, inggih punika:
- Dewi Nagagini, maputra Arya Anantareja,
- Dewi Arimbi, maputra Gatotkaca
- Dewi Urangayu, maputra Arya Anantasena.
Manut versi Banyumas, Bima madue rabi malih asiki, inggih punika Dewi Rekatawati, maputra Srenggini.
Lihat pula
uah| Wikimédia Commons madué média indik Bhima. |
Pustaka
uah- ↑ Smith, with a preface by Christopher Key Chapple (2009). The Bhagavad Gita (édisi ka-Peringatan 25 tahun). Albany: State University of New York Press. p. 24. ISBN 9781438428420.
- ↑ Monier-Williams, Arti kata bhīma, Sanskritdictionary.com
- ↑ Monier-Williams, Arti kata vṛkodhara, Sanskritdictionary.com