Gatotkaca
Gatotkaca (Déwanagari: घटोत्कच; IAST: Ghaṭotkaca) inggih punika silih tunggil pragina ring wiracarita Mahabharata, putran Bima (Bimasena) utawi Werkodara saking Pandawa. Ibune mawasta Hidimbi (Arimbi), wit saking soroh raksasa. Kacaritayang Gatotkaca dahat kuat lan sakti. Punika mawinan ring payudhan ageng, Bharatayudha, dane ngranayang akeh mesehne padem. Ring payudhan punika pamuputne dane kasedayang olih Karna.
| घटोत्कच | |
|---|---|
 Gatotkaca ring medan perang Kurukshetra. | |
| Tokoh Mahabharata | |
| Wastan | Gatotkaca |
| Ejaan Déwanagari | घटोत्कच |
| Ejaan IAST | Ghaṭotkaca |
| Wastan liyanan | Bhimasuta, Hidimbyatmaja Versi wayang: Kacanegara, Tetuka, Purubaya, Bimasiwi, Kancing Jaya, Krincing Wesi, Guritna, Guruputra, Suryanarada, Arimbiputra. |
| Kitab pustaka | Mahabharata |
| Saking | wilayah timur laut India |
| Genah | Kerajaan Rakshasa |
| Ras | Rakshasa |
| Aji | Bimasena |
| Biyang | Hidimbi (Arimbi) |
| Rabi | Ahilawati Versi wayang: Pergiwa Suryawati Sumpani |
| Okan | Barbarika Versi wayang: Sasikirana Suryakaca Jayasumpena |
Ring Indonesia, Gatotkaca dados tokoh pewayangan sane kasub. Minakadi ring pewayangan Jawa, dane kauningin antuk wastan Gatotkoco (basa Jawa: Gathotkaca). Kasaktian dane minakadi prasida makeber ring angkasa yadiastun tan pakampid. Dane taler kasub kasambat madue "otot kawat tulang besi".