Bétutu
Bétutu silih tunggil ajengan saking Bali menawi prasida katemu ring Lombok. Lakaran ipun saking ayam utawi bébék utuh kadagingin miwah kausapin base genep, sekadi kunyit, jaé, mica, tabia, miwah sere. Kakaput, selanturné wénten sané kakukus utawi katunu. Ajengan puniki ketah kawéntenang ring pawiwahan miwah upacara tiosan.[2]
 Bébék bétutu | |
| Sajian | Rayunan utama |
|---|---|
| Mawit saking | Indonésia[1] |
| Wawengkon utawi wewidangan | Bali miwah Lombok |
| Suhu penyajian | Panes utawi suhu ruangan |
| Lakaran utama | Ayam utawi bébék miwah base genep |
Ayam Betutu dados ajengan Bali sané sampun kaloktah ring saluir krama Indonésia asapunika taler krama dura negara. Ayam betutu maderbé rasa basa khas Bali sané ketah kawastanin basa genep. Manut tradisi Bali, ayam betutu puniki ketah kanggé pinaka sarana banten sajeroning upacara agama Hindu ring Bali. Betutu wit saking kruna "bé" miwah "tunu", salanturipun ketah kawastanin betutu sané mateges bé sané matunu.[3] Ayam betutu khas Bali prasida kapanggihin ring makudang-kudang warung ajengan Bali, hotel-hotel, miwah restoran sané wénten ring Bali. Nasi ayam betutu biasané mapangarga limolas tali rupiah kantos tigang benang tali rupiah.
Lelintihan
uahBétutu artos ipun tata cara ngolah ulam ayam miwah bébék. Asapunika, bétutu sujatiné nénten aran ajengan menawi tata cara maratengan ulam ayam utawi bébék.
| “ | Bétutu pinaka krama Bali nikayang, ‘bé’ punika ayam utawi ulam, ‘tutu’ punika ratengan tuh sané kantun tuh kalablab ‘nyat-nyat’ | ” |
| — Putu Okta Damayanti | ||
Kanikayang Fadli tata cara maratengan puniki warisan saking aab Majapahit punika abad ke-16, ri kala Islam manjing ring tanah Jawi. Makéh krama Majapahit sané magama Hindu magingsir nuju Bali.
Makudang kuliner khas Bali asil kapingaruhin olih budaya Majapahit, sekadi lawar miwah bétutu. Punika rumasuk pauahan tata cara, sekadi kawéntenan tabia ring ajengan Bali, rumasuk rasa lalah miwah bangkit ipun sané manados ceciren khas Bétutu.[4]
Tata Cara Nglebengin Ayam Betutu
uah- Pilihin siap Bali sané pinih ageng
- Wangsuh ayam ring toya membah kantos resik, raris tiisang toyané, raris tunu ayam punika kantos atengan lebeng.
- Basa pesak: ulig bawang, kesuna, miwah tabia barak.
- Ulig sinarengan kunyit, jae, cekuh, isén, seré, tingkih, mica, ketumbah, sera, uyah, miwah gula barak mangda kantos dekdek.
- Goréng basa genep punika kantos mabo saha lebeng.
- Wewehin don janggar ulam, seré duang katih, raris aduk kantos layu.
- Pulang basa sané maulig pesak, aduk kantos lebeng.
- Wewehin toya raris pulang ayam sané sampun kaumbah.
- Lebengin nganggén api cenik sawetara kirang lintang 90 menit kantos toyané nyat kantos 200ml saha ayamé empuk.
- Siagayang ayam betutu sané sampun lebeng.[5]
Pustaka
uah- ↑ "Chicken with Balinese Spices: Ayam Betutu". Food Network.
- ↑ Betutu, Taste Atlas, kaaksés 1 Pébruari 2021
- ↑ Hatma, Titin (2022-10-13). "Ayam Betutu Khas Bali, Kuliner Tradisional Warisan Majapahit". id.theasianparent.com (ring Indonesia). Kaaksés 2023-02-18.
- ↑ Yana Gabriella Wijaya (17 April 2020), Ni Luh Madé Pertiwi F. (ed.), Sejarah Ayam Betutu, Hidangan Khas Bali Pengaruh Budaya Majapahit, kaaksés 1 Pébruari 2021
- ↑ Sriastuti, Eva. "Resep Pembaca: Resep Ayam Betutu Gilimanuk yang Pedas Gurih Berempah". detikfood (ring Indonesia). Kaaksés 2023-02-18.