Alas Kedaton
Alas Kedaton inggih punika silih tunggil wana sané kedadosan genah wisata antuk akéh kawéntenang bojog sané pateh sekadi Sangeh taler Ubud Monkey Forest, galah ngeranjing ri kala jam 9 nganti jam 17. Wana ipun doh nyané kirang langkung 25 km saking Dénpasar, magenah ring wewidangan désa Kukuh, Marga, Tabanan. Alas Kedaton mawit saking kruna Alas miwah Kedaton sané ngaciriang ring wana ipun kawéntenang krajaan, sané keartiang Krajaan kawentuk olih para Bojog ring wana ipun.[1]
| Alas Kedaton | |
|---|---|
 | |
| Genah | Marga, Kabupatén Tabanan, Bali |
| Jimbarnyane | 6,5 hektar |
Ring wewidangan ipun kawéntenang pura asiki sané mewasta Pura Dalem Khayangan, kewangun olih Mpu Kuturan ri tatkala pamréntahan raja Masula Masuli, pujawali nyané kalaksananyan ring Anggara Kasih Medangsia. Siosan pura ring Bali, genah jeroan pura ipun pinih betén saking jaba tengah miwah jaba sisi ipun, taler upakara ring pura punika nénten dados nganggén piranti api utawi pasepan, malih ri tatkala pujawali nenten kekaryaning pénjor sekadi pura liyané ring Bali[2]
Pustaka
uah- ↑ Ari Gunadi. "Alas Kedaton Monkey Forest" (ring Inggris). au.hotels.com. Kaaksés 24 January 2020.
- ↑ "Pura Alas Kedaton". Bali Glory. Kaaksés 24 January 2020.