Ababi, Abang, Karangasem

Koordinat: 8°24′14″S 115°35′12″E / 8.403892°S 115.586789°E / -8.403892; 115.586789

Désa Ababi punika sinunggil désa sané magenah ring kecamatan Kecamatan Abang, Kabupatén Karangasem, Bali.[5] Doh pusat pamrentahan Desa Ababi sareng ibukota Kabupatén Karangasem kirang langkung 7 kilométer ngajanan saking pusat kota Amlapura miwah doh sareng ibu kota Propinsi, Kota Dénpasar, inggih punika 83 kilométer. Desa puniki madue genah wisata, Taman Air Tirta Gangga.

Ababi
Peta
Peta genah Désa Ababi
Negara Indonésia
PropinsiBali
KabupaténKarangasem
KecamatanAbang
Pamréntahan
 • PerbekelI Ketut Wijana[1]
Kodepos
80852
Kode Kéméndagri51.07.05.2001
Jimbar10,86 km²[2]
Akéh krama10.393 diri (2016)[2]
7.254 diri (2010)[3]
Kepadetan668 diri/km²
Akéh KK2.683 KK[4]

Babad uah

Aran sujati Désa Ababi ring Purana Désa Pakraman Ababi punika “Karaman Ihara Babi”. Saking aab krajan ring Bali, makéhan saking cakepan purana punika ical ngantos wantas masisa tigang lempir. Mangkin asiki saking tigang lempir purana punika sampun belah. Purana punika pupulan babad kuna sané kapupulang saking para karma sané nyaritayang kauripang para Déwata indik pangriptaan jagat. Purana désa malakar saking temaga kasurat ring aksara Bali, sané mabasa Bali Kuna. Mawit panilikan Dinas Kapurbakalan majeng purana punika ring Agustus 1980, kacawang pinaka Désa Pakraman Ababi sampun kaadégang saking aab Pamréntahan Raja Sri Anak Wungsu ring Bali. Manut ring Purana Désa Pakraman Ababi, aran Désa Ababi punika “Karaman Ihara Babi” sané madué makudang artos nyané, inggih punika:

  • Karaman artos nyané warga utawi krama
  • Ihara artos nyané eha (soroh taru sané mentik ring abingé)
  • Babi artos nyané woh saking taru eha sané maaran woh babi

Mawit katiga paartosan punika “Karaman Ihara Babi” madué artos jangkep krama sané magenah ring metén taru eha sané sedek mawoh. Taru eha puniki taler mapaiketan sareng carita klebutan eha sané wénten ring Désa Ababi utawi kakait sareng kapertama krama Ababi rauh miwah meneng ring metén taru eha sané sedek mawoh. Asal usul aran Désa Ababi maasal saking tiga kruna punika “Karaman Ihara Babi”, salanturné olih krama irika kasengguh Hara Babi utawi Eha Babi sané ngalantur dados Ababi.[6]

Géograpi uah

Désa Ababi madué jimbar wewidangan 10,86 km² miwah wénten ring tegeh rata-rata 573 meter saking muan yéh segara (mdpl). Yén selehin désa puniki magenah ring batis Gunung Agung antuk kaméréngan tanah nuju kelod kangin. Sisi kalér pinaka wawengkon pinih duur taler sisi kangin miwah tengah punika wawengkon tanah mabukit alit sané makéhan marupa paumaan. Ring sisi kawan miwah kelod punika wawengkon asah. Suhu udara tengai sawatara 29 °C - 35 °C. Désa Ababi ngelah curah sabeh akéh nyané 2887,7 miliméter/warsa.

Wates wewidangan uah

Wates wewidangan désa puniki:

Kalér Désa Abang miwah Désa Pidpid
Kelod Désa Tiyingtali, Kecamatan Karangasem miwah Kecamatan Bebandem
Kauh Kecamatan Bebandem
Kangin Désa Tiyingtali miwah Kecamatan Karangasem

Pamréntahan uah

Désa Dinas uah

Wewidangan Désa Ababi madué 12 dusun utawi banjar, inggih puniki:

  1. Dusun Ababi
  2. Dusun Tanah Lengis
  3. Dusun Besang
  4. Dusun Pikat
  5. Dusun Umanyar
  6. Dusun Gunaksa
  7. Dusun Bias
  8. Dusun Sadimara
  9. Dusun Kuhun
  10. Dusun Abianjero
  11. Dusun Tumpek
  12. Dusun Tukad Bungbung

Désa Adat uah

Mawit adat ring Désa Ababi punika kawéntenang Désa Adat Ababi, sané kakepah manados tigang welas banjar inggih punika: [7][8]

  1. Banjar Gunaksa
  2. Banjar Ababi
  3. Banjar Tanah Lengis
  4. Banjar Umanyar
  5. Banjar Bias
  6. Banjar Sadimara
  7. Banjar Tukad Bungbung
  8. Banjar Pikat
  9. Banjar Besang
  10. Banjar Kuhum
  11. Banjar Abianjero
  12. Banjar Tumpek
  13. Banjar Pandé

Démograpi uah

Ring warsa 2016, akeh krama ring désa puniki kakepah antuk 5.271 lanang miwah 5.122 istri taler séks rasio nyané 103.[2]

Paajahan uah

Antuk paajahan ring Désa Ababi, mangda nyadiayang indik paajahan miwah kualitas raré sané becik ring tingkat sekolah dasar, wénten kutus SD negeri.[9]

SD uah

  • SD Negeri 1 Ababi
  • SD Negeri 2 Ababi
  • SD Negeri 3 Ababi
  • SD Negeri 4 Ababi
  • SD Negeri 5 Ababi
  • SD Negeri 6 Ababi
  • SD Negeri 7 Ababi
  • SD Negeri 8 Ababi

Subak uah

Subak punika lembaga tradisional para petani ring Bali, manados sistem patoyaan sané maaled petani, pinaka lembaga sané mandiri miwah démokratis. Kawéntenan subak sané sampun nagih amilénium nganti mangkin, punika ngacihnain pinaka subak satunggal lembaga irigasi tradisional ajég miwah lestari.[10][11]

Uma uah

Subak uma puniki tatujon utama inucap antuk ngawagi karen ring pangelolaan toya miwah kala matanduran ring uma. Ring wawidangan Désa Ababi kawéntenan tiga subak uma, inggih punika:[10]

  • Subak Bekukih
  • Subak Embukan
  • Subak Gunung

Abian uah

Subak Abian punika lembaga tradisional sané kusus ring widang partanian tanah tuh sané kasub dados sekaa agraris, ékonomis, religius sané wénten ring Bali saking riin kaajegang kawéntenan inucap ngantos mangkin. Ring wawidangan Désa Ababi kawéntenan kalih subak abian, inggih punika:[11]

  • Subak Abian Phala Werdi
  • Subak Abian Umanyar

Pustaka uah

  1. "Data Désa dan Lurah di Kabupatén Karangasem" (PDF). karangasemkab.go.id. Kaarsipin saking versi asli (PDF) tanggal 2023-04-04. Kaaksés 17 Méi 2020.
  2. 2,0 2,1 2,2 "Kecamatan Abang dalam Angka 2017" (ring Indonesia). Badan Pusat Statistik Indonésia. 2017. Kaaksés 16 Désémber 2018.
  3. "Penduduk Indonesia Menurut Désa 2010" (PDF) (ring Indonesia). Badan Pusat Statistik. 2010. p. 1385. Kaaksés 14 Juni 2019.
  4. "Prodeskel Binapemdes Kemendagri". Kaarsipin saking versi asli tanggal 2022-04-01. Kaaksés 2022-04-10.
  5. "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaarsipin saking versi asli tanggal 29 Désémber 2018. Kaaksés 3 Oktober 2019.
  6. Nggauk, Christin Debora (2011). "Dampak pengembangan pariwisata terhadap keberlanjutan sumbak embukan (studi kasus:désa Ababi, kecamatan Abang, kabupatén Karangasem)". repository.ipb.ac.id. Kaarsipin saking versi asli tanggal 2021-09-16. Kaaksés 13 Méi 2020.
  7. (Indonésia) Désa Pakraman, Dinas Kebudayaan Kabupatén Karangasem, kaarsipin saking versi asli tanggal 2020-10-13, kaaksés 22 Séptémber 2020
  8. Data Désa Adat Kabupatén Karangasem, NangunSatKertiLokaBali.com, kaarsipin saking versi asli tanggal 11 November 2020, kaaksés 9 November 2020
  9. "Data Referensi Pendidikan". referensi.data.kemdikbud.go.id. Kaaksés 2022-12-29.
  10. 10,0 10,1 Subak, Dinas Kebudayaan Kabupatén Karangasem, kaarsipin saking versi asli tanggal 2021-10-21, kaaksés 17 Oktober 2020
  11. 11,0 11,1 Subak Abian, Dinas Kebudayaan Kabupatén Karangasem, kaarsipin saking versi asli tanggal 2021-10-21, kaaksés 17 Oktober 2020

Pranala jaba uah

cutetan: URL dados kauahin/ilang. Yening URL nenten aktip, ngiring kaapus saking lis.