Yéssy Diana

Yéssy Diana inggih punika silih tunggil pagending sané wénten ring Bali. Yéssy Diana madué wastan lengkap inggih punika Déwa Ayu Yessy Diana Ningsih. Yéssy Diana embas ring Batununggu, Klungkung, 20 Désember 1993. Yéssy Diana wantah oka saking Déwa Ketut Dana miwah Ni Madé Suarningsih. Dané madué kalih nyama inggih punika Déwa Madé Yéssa Ardiana Putra miwah Déwa Ayu Nadia Arshinta Ningsih.

Yéssy Diana
Latar belakang
Wastan lekad	Déwa Ayu Yessy Diana Ningsih
Embas	20 Désémber 1993 Klungkung, Bali, Indonésia
Negara	Indonésia
Jenis musik	pop, akustik
Pakaryan	Musisi
Instrumen	Pagending
Warsa aktif	2016–mangkin
Rerama	Déwa Ketut Dana, Ni Madé Suarningsih

Pendidikan

Yéssy Diana ngranjing sekolah dasar ring SDN 1 Nusa Penida. Lantas, dané nglanturang ring SMPN 1 Nusa Penida tur nglanturang ring SMAN 1 Klungkung. Dané ngrereh gelar sarjana ring Jurusan Sastra IKIP PGRI Bali.

Karir

Yéssy Diana ngawitin karir ring dunia musik saking warsa 2016 sané nyobyahang tembang sareng Rajapala Band sané mamurda Angin Malam miwah Tusing Je Bajingan. Nanging sadurungnyané, Yéssy Diana sampun terjun ring dunia musik ri kala kari ngranjing sekolah tur satata jayanti lomba magending. Tiosan magending duét sareng Rajapala Band, Yéssy Diana taler naenin duét sareng Jun Bintang miwah Angga Régina.

Tembang

Yéssy Diana sampun nyobyahang 8 tembang solo miwah 4 tembang duét. Tembang Solo makadi Pada Ngelahang, Jomblo Bahagia, Bukti Tresna, Ngenehang, Wantah Beli, Tresna Béda Agama, Aku Pergi miwah Brondong. Tembang duét makadi Yéssy Diana feat Rajapala Band - Angin Malam, Yéssy Diana feat Rajapala Band - Tusing Je Bajingan, Yéssy Diana feat Jun Bintang - Mati Patah Hati, miwah Yéssy Diana feat Angga Regina - Bungan Keneh.

Préstasi

Préstasi sané kapolihang olih Yéssy Diana sakadi Juara 1 Cermat Tingkat Provinsi, Juara 1 Puisi, Membaca Cepat, Nari Provinsi, Juara 3 Lomba Nyanyi Kabupatén Klungkung, Penyiar Radio Terbaik No.1 di Klungkung, miwah Juara 1 Umum di sekolah.