Warga Aksara Bali

Warga Aksara Bali tegesnyané lambang suara utawi gambar suara sané kaanggén ngentosin huruf ring sajeroning basa Bali. Aksara punika taler dados dasar/simbol pamijilan miwah mademang, kawigunan aksara puniki manut ring genah miwah fungsi sosial, agama sané mapaiketan sareng budaya bali miwah miwah keraketan iraga masemeton ring sajeroning Agama Hindu-Bali. Kawéntenan aksara Bali mabuat pisan riantukan aksara nénten wantah huruf sakéwanten pah-pahan ring kauripan krama Baliné.

Pasang aksara Bali tegesnyané uger-uger sané kaangén nyurat ring sajeroning aksara Bali. Aksara punika wénten kalih warna kawastanin :

• Aksara suara (vokal)
• Aksara Wianjana (konsonan)

Salanturnyané aksara punika kepah dados tigang soroh luiripun :

• Aksara wréastra inggih punika aksara sané kanggén nyuratang bahasa Bali lumrah,   upami : urak, pipil, pangéling-éling, miwah sané lianan.
• Aksara swalalita inggih punika aksara sané kanggén nyuratang basa kawi, Jawi Tengahan, Sanskerta. Upami : Kidung, Kakawin, Parwa, miwah Sloka.
• Aksara modré inggih punika aksara sané kanggén nyuratang indik kadiatmikan. Upami : Japa Mantra.