Aksara Modré

Aksara Modré inggih punika aksara kadiatmikan sané kaanggén nyurat japamantra saluir niasa, doa-doa kawi, miwah usada utawi indik pangaweruhan sané kabaos gaib utawi saindik-indik kadiatmikan. Aksara Modré puniki kawangun antuk aksara Wréastra miwah Swalalita saha kadagingin panganggé miwah pralambang, maweweh ortén-orténan mawinan makanten angker pisan. Punika mawinan aksara modréné kantos nénten keni antuk ngawacén, sakadi aksara punika sampun padem. Ri kala ngwacén ortén modré punika, patut ngarereh pamargi/tatacara sané kabaos Krakah Modre.