Upakara Subak Jatiluwih

Upakara Subak Jatiluwih inggih punika upakara sane kalaksanayang ring Subak Jatiluwih, Tabanan. Lianan sistim pengairan subak, sistim pengolahan sawah taler kalaksanayang olih soang-soang tempek. Petani ring désa Jatiluwih madue upakara lan tradisi mapaiketan sareng subak. Inggih punika dudonan upakara sane ketah kaangge krama Subak ring désa Jatiluwih:

1. Magpag Toya, inggih punika upakara sane riin kalaksanayang ring ulu (ring Jatiluwih, ulu puniki magenah ring Telabah Gede). Upakara puniki wantah praciri nyumunin masan nandur tur nunas lugra ring Ida Bhatara Wisnu antuk toya sane jagi kaalirang ring wewidangan Subak. Salanturne, para anggota subak jagi mareresik ring saluran toya.
2. Ngendagin, inggih punika proses ngalirang toya ka wewidangan Subak.
3. Mawinih
4. Ngerasakin, inggih punika upakara sane kalaksanayang olih anggota subak sane madue tetujon ngresikin bibit sadurung katanem.
5. Mawiwit, inggih punika nyumunin megarapan ring subak (nanem bibit).
6. Ngrastiti I, inggih punika upakara sane kalaksanayang ring danu Tamblingan rikala umur bibit padi punika sampun 1,5 bulan. Salanturne wenten Nyepi 3 dina ring wewidangan Subak.
7. Ngrastiti II, rikala umur bibit padi sampun 2,5 bulan sane kalaksanayang ring Pura Pekendungan. Salanturne wenten Nyepi adina ring wewidangan Subak.
8. Maboasem, upakara sane kalaksanayang rikala padi puniki sampun umur 3 bulan.
9. Ngusaba
10. Nyangket
11. Nyaub (Ngaryanin Dewa Nini)
12. Ngadegang Dewa Nini
13. Mantenin, upakara sane kalaksanayang rikala ngenahang gabah ring Jineng utawi lumbung soang-soang.
14. Nuunang Tain Asep, inggih punika proses nuunang makudang-kudang gabah tur katumbuk. Salanturne, wenten kasembahang tur wenten kaajeng. Oot nyane katunjel ring sisin telabah tur kalarung ring telabah.