Tritium (/ˈtrɪtiəm/ or /ˈtrɪʃiəm/, Mal:Ety) utawi hidrogén-3 (simbol T utawi 3H) inggih punika radioaktip miwah isotop hidrogén langka antuk kala paruh sawatara 12 warsa. inti atom tritium (t, taler kasengguh triton) madaging asiki proton miwah kalih néutron, sapunika inti saking isotop umum hidrogén-1 (protium) madaging asiki proton miwah nol néutron, taler hidrogén-2 (deutérium) madaging asiki proton miwah asiki néutron.

Tritium alami sanget langka ring Gumi, wantah ngelah akéh jejak atmospher, kawentuk olih interaksi gas-gas nyané sareng sunar kosmik. Ipun prasida kaproduksi sacara artifisial antuk nyunarin logam litium utawi kerikil keramik sané madaging litium ring réaktor nuklir miwah pinaka produk sampingan sareng kalimpahan akedik ring operasi normal réaktor nuklir.

Tritium kaanggén dados wit wasa ring lampu radioluminesen antuk jam tangan, kékeran sanjata, akéh instrumén miwah pakakas, taler kaanggén ring barang-barang anyar minakadi gantungan sereg sané prasida ngendih ngeraga. Punika kaanggén ring pangaturan médis miwah ilmiah dados palacak radioaktip. Tritium taler kaanggén dados lakaran bakar fusi nuklir, sinarengan deutérium sané langkung malimpah, ring réaktor tokamak miwah ring bom hidrogén.