Tari Cilinaya

Tari Cilinaya inggih punika silih tunggil sasolahan sané wénten ring Bali. Tari puniki kakaryanin olih I Wayan Dibia ring warsa 1986. Sadurungnyané, I Wayan Dibia makarya tari puniki kaanggén antuk kasobyahang olih Sekaa Gong Patra Kencana Singapadu, Gianyar. Tari puniki nganutin ornamén Cili sané wénten ring Lamak tur kaanggén ring baju pragina ri kala masolah. Cili marupa kain lantang sané ujungnyané lancip tur motifnyané mawarna-warni. Tari Cilinaya pinaka pralambang kebahagaiaan anak bajang ring Bali.^[1]

Baju Tari Cilinaya

Tari Cilinaya nganggén baju sané mabinayang sareng tari Bali sané lianan. Baju sané kaanggén ri kala nyolahang tari Cilinaya inggih punika:

Gelungan.
Kain bawah utawi rok.
Angkin.
Lamak.
Tutup dada.
Badong.
Ampok-ampok.
Oncer.
Gelang kana.

Gamelan Tari Cilinaya

Tari Cilinaya kasolahang nganggén gamelan Gong Kebyar. Gamelan Gong Kebyar sané kaanggén ring Tari Cilinaya inggih punika:

Apasang kendang (tusing nganggén panggul)
Tungguh ugal/giying
Patpat tungguh pemade
Patpat tungguh kantil
Kalih tungguh penyahcah
Kalih tungguh jublag
Kalih tungguh jegog
Siki utawi kalih Gong (lanang-wadon)
Siki kempul
Siki tungguh reyong
Siki kajar
Siki kecek^[2]

Pustaka

↑ "Tari Cilinaya, Perlambang Kecantikan yang Gemulai". Indonésia Kaya. Kaaksés 2021-05-31.
↑ "Seni Budaya Bali, Mengenal Tari Cilinaya. | puserbhumi" (ring Indonesia). 2018-03-11. Kaarsipin saking versi asli tanggal 2021-07-25. Kaaksés 2021-05-31.

[1] "Tari Cilinaya, Perlambang Kecantikan yang Gemulai". Indonésia Kaya. Kaaksés 2021-05-31.

[2] "Seni Budaya Bali, Mengenal Tari Cilinaya. | puserbhumi" (ring Indonesia). 2018-03-11. Kaarsipin saking versi asli tanggal 2021-07-25. Kaaksés 2021-05-31.

[1]

[2]