Tapé ubi

(Kagingsirang saking Tapé Ubi)


Tapé ubi inggih punika silih tunggil jaja bali sané kakaryanin saking ubi séla. Tapé ubi mawentuk segi patpat tur ketahnyané mawarna putih miwah kuning. Bahan sané kaanggén ngaryanin jaja tapé ubi minakadi ubi séla, gula pasir, don biu, miwah ragi. Tata cara ngaryanin tapé tbi sané kapertama inggih punika ubi séla kaicalang kulitnyané tur kaumbah ngantos bersih. Sasampun bersih, ubi séla punika kakukus ngantos lebeng. Sasampun kakukus, ubi séla punika kadinginang. Salanturnyané ring ubi séla punika kagenahang gula pasih miwah ragi. Ubi séla sané sampun kacampurang gula miwah ragi, kakaput nganggén don biu tur kagenahang ngantos kalih utawi tigang rahina ngantos tapé punika nasak.[1] Tapé rasanyanné manis tur akidik masem. Tapé ubi ketahnyané kapanggihin ring pasar-pasar tradisional tur kaanggén sarana upakara.

Tapé ubi
Tapé ubi
Wastan sané tiosanTapé séla
Tipéjaja
Sajianabungkul
Mawit sakingIndonésia
Wawengkon utawi wewidanganBali
Paiketan ajengan nasionalIndonésia
Suhu penyajiandingin
Lakaran utamaubi séla, gula pasir, don biu, miwah ragi

Pustaka uah

  1. https://www.fimela.com/lifestyle-relationship/read/3681929/resep-membuat-tapai-singkong-manis-dan-legit