Taman Werdhi Budaya Art Centre
Taman Werdhi Budaya Art Centre ento komplék bangunan budaya sané matongos di Dénpasar. Linggahné 5 are.[1] Di TWBAC ada muséum karya seni, ruangan anggon konsér muah balih-balihan ané lénan. TWBAC kawangun tekén Gubernur Bali kapertama, Ida Bagus Mantra. Nyabran atiban Pésta Kesenian Bali kalaksanayang di TWBAC.[2]
Lelintihan uah
Nganutin pangaptian saking Gubernur Bali Ida Bagus Mantra indik upaya palestarian seni lan budaya Baliné, kawangun satunggil acara ring sinunggil genah sané ageng, mangda para seniman saking sajebag Bali sareng para pamiarsa tur wisatawan macunduk ring satunggil kalangan, santukan acara punika ageng lan kamargiang ring galah sané lantang, lantas kasengguh féstival.
Ring warsa 1969, mangda polah palih féstival punika trepti karancang awig-awig lan genah acara, kaadegang Palestarian Budaya Bali Gubernur Bali ngicain sesana indik pawangunan genah acara majeng Ida Bagus Tugur, kaicain taler wawidangan tanah sané majimbar 9 héktar miwah Gubernur mapunia 5 héktar tanah, wawidangan tanah punika kakepah olih satunggil tukad sané maloloan ring Tukad Badung, wawidangan punika magenah ring Jalan Nusa Indah. Manutin budaya Bali wawidangan punika nganggén konsép Tri Mandala. Ring warsa 1978 karesmiang maparinama Taman Werdhi Budaya Art Center.[3]
Pustaka uah
- ↑ "Taman Werdhi Budaya Art Centre". tripadvisor.com.
- ↑ "Bali Art Center Denpasar, Pilihan Tepat Menelusuri Budaya Kesenian Unik Khas Bali". kintamani.id.
- ↑ Sedia, I Wayan (2023-02-01). "PEMDA BALI DALAM PEMBANGUNAN KEBUDAYAAN BALI DI TAMAN WERDHI BUDAYA ART CENTRE DENPASAR". Jurnal Ilmiah Cakrawarti. 6 (1): 112–121. doi:10.47532/jic.v6i1.808 Check
|doi=value (help). ISSN 2723-5572.