Sumping biu

(Kagingsirang saking Sumping Biu)

Sumping biu inggih punika silih tunggil sanganan sané kakaryanin saking biu. Yening ring jawi kawastanin Jaja Nagasari. Sumping biu wentuknyané segi patpat tur mawarna putih. Bahan sané kaanggén ngaryanin jaja sumping biu minakadi biu, tepung baas, tepung terigu, gula pasir, bubuk vanili, uyah, tur nyuh makihkih.

Sumping biu
Jaja sumping
saking Pasar Désa Mas, Gianyar
TipéJaja
Sajianasiki
Mawit sakingIndonésia
Wawengkon utawi wewidanganBali
Paiketan ajengan nasionalIndonésia
Suhu penyajiansuhu ruangan
Lakaran utamabiu, tepung baas, tepung terigu, gula pasir, uyah, tur nyuh makihkih
Ajengan sané patehNagasari

Tata Cara Ngaryanin Sumping Biu uah

Tata cara ngaryanin jaja sumping biu sané mautama wantah ring aab tradisional nganggen lima tur nenten ngaange piranti wantuan sane lianan, minakadi cekot, spatula, miwah sane lianan. Sakewanten sakadi aabe mangkin ring zaman modern, mangdane sida resik pakaryane wantah ngangge piranti wantuan. Piranti-pirantine inggih punika:

  1. Cekot
  2. Sinduk cantok
  3. Slop lima
  4. Baskom
  5. Panci gede
  6. Kompor
  7. don biu

Indik daging sane ngawentuk sumpinge puniki wantah;

  1. Yeh
  2. Tepung baas
  3. Tepung terigu
  4. Biu
  5. Gula pasir
  6. Uyah
  7. Serbuk vanili

Indik tetikas ngaryanin dados kakepah sakadi puniki:

  1. Kapertama inggih punika biu kaicalang kulitnyané,
  2. Sasampun punika biu sané sampun nénten madué kulit, kagetep ngantos alit-alit. Biune punika kagetep manut sapunapi kasaratang, napike makeh napi akedik. Punika nganut pikayun soang-soang.
  3. Salanturnyané campur tepung makasami ring baskome tur elinggin antuk nganggen slop lima. Tepunge punika luiripun tepung terigu, tepung baas, gula pasir, miwah uyah,bubuk vanili mangdane madue ebo sane miik[1]
  4. Aduk adonane punika antuk yeh tur kaangen-angen mangdane sida ngantos kalis.
  5. Sambil nyantosang mangda adonane kalis, durus don biune kakukus dumun ring pancine. Punika mangda aluh mungkusne tur nenten sida sigra ngusak done makeh.
  6. Sasampun kalis, adonan punika kagenahang ring don biu sane sampun kakukus. Ring tengahnyané kagenahang biu sané sampun kagetep alit punika, salanturnyané jaja punika kakaput.
  7. Raris jaja punika kakukus ngantos lebeng.[2]
  8. Salanturnyane jaja sane sampun lebeng nenten dados sigra kagenahang ring tongos sane metekep, punika mangdane jaja sumpinge punika nenten masem tur mabenang-benang.

Pustaka uah

  1. Fadli, dr. Rizal (02-01-2023). "Manfaat Vanili Bubuk selain untuk Proses Pembuatan Kue". halodoc.com. Kaaksés 10-03-2003. Check date values in: |access-date=, |date= (help)
  2. https://tyangluhtu.wordpress.com/2013/05/09/nagasari-ku/