Putu Fajar Arcana

Putu Fajar Arcana (embas ring Negara, Bali, 10 Juli 1965;yusa 59) inggih punika silih tunggil penyair, cerpenis, miwah wartawan sané embas ring Negara, Bali warsa 1965. Ida sampun naenin dados Koordinator Sanggar Minum Kopi (SMK) Bali ring warsa 90-an, sané ngalaksanayang Lomba Penulisan se-Indonésia sareng Lomba Baca Puisi se-Bali. Ring warsa 1998 Ida taler manados bidan ring Yayasan CAK Denpasar sané ngamedalang Jurnal Kebudayaan CAK, sareng Ida sané ngaryanin Warung Budaya ring Taman Budaya, Dénpasar. Ida taler ngamolihang jayanti ring pacantokan nyurat puisi miwah cerpén. Ring warsa 2002, Ida manados 10 cerpenis sané pinih becik ring pacantokan nyuratan cerpén se-Indonésia sané kalaksanayang olih Bali Post Dénpasar.

Putu Fajar Arcana
Embas	10 Juli 1965 Negara, Bali
Mabangsa	Indonésia
Kauningin	pangawi sastra Bali

Sané mangkin makarya dados editor Kompas minggu, pahan saking Harian Kompas ring Jakarta, dané ngawiwitin embasnyané Workshop Cerpen Kompas sané manumadi dados Kelas Cerpen Kompas, duk 5 warsa ungkuran. Yening tetesang, Putu dados pangremba rubric Cerpen Kompas minggu, duk 10 warsa ungkuran. Sané mangkin dané dados silih tunggil juru gatra sané madué kawikanan ngeliput saparindik seni miwah gaya hidup. Bilih-bilih arang pisan Putu kajudi dados narawakya miwah panureksa risajeroning makudang kahanan miwah pacentokan seni ring Tanah Air.

Tiosan ring nelebin jagat jurnalistik, dané taler teleb ring sekancan kawéntenan jagat kesenian malarapan antuk dados pangawi naskah teater monolog, sutradara miwah tim artistik sasolahan teater. naskah monolognyané macepuk dados siki ring buku Monolog Politik 2014. Raris dané nyutradarayang sasolahan monolog Wakil Rakyat yang Terhormat antuk aktris Sha Iné Febriyanti 2015, raris wénten Perempuan Dangdut antuk Aktis Happy Salma 2016. Saderemhe punika, dané naenin makarya Repertoar Garuda Wisnu Kencana sané kasolahang ri kala Ground Breaking Monument ring warsa 2013. Sasolahan nika kasekasin antuk limangatus juru igel kecak tur penyanyi jazz Trie Utami, gitaris Dewa Budjana, miwah seniman Harpa Maya Hasan.

Novelnyane, "Gandamayu" (2012) kasolahang olih Teater Garasi Yogyakarta sané nyarengin kekalih sutradara anom, Yudi Ahmad Tajuddin la Gunawan Maryanto. Pentasnyané kalaksanayang ring Gedung Kesenian Jakarta, sané kasarengin olih aktor-aktor waged sekadi Landung Simatupang, Whani Darmawan, Ayu Laksmilan Sha Iné Febriyani. Panglelanannyané ring kalangan sasolahan kajantenang antuk sasolahan 3 Perempuan, Bukan Bunga Bukan Lelaki sané kasarengin aktris Happy Salma, InayahWahid, miwah Olga Lydia. Putu taler dados sekaa artistik ring seri sasolahan Indonésia Kita, ripantaraning seri Roman Madé In Bali 2016 miwah Laskar Bayaran 2017. Anak lanang sané seneng makarya sketsa puniki taler sampun ngamedalang makudang buku. Buku-buku punika minakadi: pupulan cerpen Bunga Jepun 2002, Samsara 2005, miwah Drupadi 2015. Pupulan esainyané indik Bali majangkepan ring buku Surat Merah untuk Bali 2007 dan puisi-puisinyané majangkepan ring Manusia Gilimanuk 2012. Sadereng punika dané taler ngamedalang buku puisi Bilik Cahaya 1997 di Denpasar, Bali. Puisi-puisinyané taler wénten ring makudang-kudang antologi bersama sekadi Dari Negeri Poci III 1994, Kembang Rampai Puisi Bali 1999, Bali The Morning After 2000, Gelak Esai Ombak Sajak 2000, Amsal Sebuah Patung 1996, Bonsai's Morning 1996, Malaikat Biru Kota Hobart 2004, Teh Ginseng 1993, Mahaduka Aceh 2004, Mimbar Penyair Abad 21 1996, dan Managerie IV 2000. Cerpen-cerpennyané taler kamuat ring pupulan Para Penari 2002, Waktu Nayla 2003, miwah Sepi pun Menari di Tepi Hari 2004.

Kasarengin olih rabinnyané Joan Arcana, ring warsa 2011 Putu ngewangun lembaga Arcana Fondation, lembagané puniki ngamicayang wadah sané madué kawigunan ngawerdiang miwah sutindih ring widang kebudayaan, ngawéntenang bebalihan, ngawi buku, miwah sutresna ring saluiring genah budaya ring Tanah Air. Arcana Fondation taler maprakanti ring makudang lembaga donor anggén nuku miwah ngamargiang jagat kebudayaanne.