Pura Tamba Waras
Pura Tamba Waras utawi Pura Luhur Tamba Waras silih tunggil pura sané magenah nampek sareng Gunung Batukaru. Magenah ring sisi Kelod Gunung Batukaru, ring Désa Sangketan, Kecamatan Penebel, Kabupatén Tabanan.[1] Pura Tamba Waras wantah silih tunggil Pura sané genahnyane nampek sareng Pura Luhur Batukaru, lianan ring Pura Besikalung, Pura Pucak Sari, dan pura lianan. Pura Luhur Tamba Waras ketah kauningin pinaka Pura Tambo Waras sané kabaos genah tamba utawi usada ring jagate. Kawéntenan pura puniki kacihnayang antuk medalnyane sarana-sarana mabuat sané pinaka dasar makarya tamba. Pura puniki silih tunggil Pura Catur Angga, ngranjing pura Sad Khayangan. Puncak karya pujawali ring Pura Tambawaras inggih punika ring rahina Buda Umanis Prangbakat.[2]
| Pura Luhur Tamba Waras | |
|---|---|
 | |
| Inpormasi umum | |
| Tipe | Pura |
| Pakem Undagi | Bali |
| Genah | Désa Sangketan, Kecamatan Penebel, Tabanan, Bali |
| Margi | Sangketen, Penebel, Tabanan Bali |
| Estimasi puput | Abad ka 12 |
Lelintihan uah
Pura Tamba Waras kaadegang pantaraning abad 12. Saking lelintihanyane, raja Tabanan inggih punika Cokorda Tabanan sungkan rahat miwah nenten manggihin tamba anggén ngicalang sungkanidané. Raris makasami baudandan ida ngrereh tamba miwah raris ida ngamolihang cihna, ring dija ja wénten andus, irika jagi katemuang tambanidané. Risampune mamargi doh ring alas madurgama ring Batukaru, kapanggihin andus sané mawit saking klapa ring tanahe sané wénten ring tegalan tihing. Raris irika mapinunas mangda ngamolihang tamba. Risampune tamba punika kaaturang ring Raja Tabanan raris ida kenak sakadi jati mula. Punika mawinan genah kapanggihin tamba punika kawangun pura sané kawastanin Pura Tamba Waras.[3]
Pustaka uah
- ↑ JawaPos.com (2019-10-12). "Pura Luhur Tamba Waras; Pusat Obat, Dibangun Pura setelah Raja Sembuh". baliexpress.jawapos.com (ring Indonesia). Kaarsipin saking versi asli tanggal 2021-07-14. Kaaksés 2021-07-14.
- ↑ Bali, Nusa. "Pujawali Pura Luhur Tamba Waras". www.nusabali.com (ring Inggris). Kaaksés 2021-07-14.
- ↑ "Babad Bali - Pura Tamba Waras". www.babadbali.com. Kaaksés 2021-07-14.