Pura Taman Beji Griya Gede Manuaba Punggul

Pura Taman Beji Griya Gede Manuaba Punggul inggih punika genah panglukatan ring Jalan Mawar, Punggul, Kecamatan Abiansemal, Kabupatén Badung. Yéning pacang malukat patut makta pejati asiki (1), canang akéhnyané 10, dupa 10, bungkak nyuh gadang miwah bungkak nyuh gading anggé praragan.

Pura Taman Beji Griya Gede Manuaba Punggul
Inpormasi umum
Tipe	Pura
Pakem Undagi	Bali
Genah	Désa Punggul, Kecamatan Abiansemal, Kabupatén Badung, Bali
Margi	Jl. Mawar, Punggul, Kec. Abiansemal, Kabupaten Badung, Bali 80352

Dudonan Malukat

Sadurung malukat, pamedek kaarahang mangda ngaturang bhakti ring wewidangan Pelinggih sané magenah ring ajeng air terjun. Ring genah nika pamedek mangda matur piuning. Pinunas napi sané kaaptiang majeng ida patut kaucapang rikala matur piuning. Sasampun nika, pamedek lantur malukat ring goa sané madue pancoran. Tata cara malukatnyané, toya katepuk ping telu ring ubun-ubun, ping tiga ring otak kecil, lantur basuh prarai ping tiga tur inem ping pitu. Parikrama salanturnyané sinambi makraikan salantang-lantangné anggé medalang mala ring raga ring sor air terjun, kalanturang kedék mangda liang-liang sané katunas prasida kaicénin. Yéning malukat saking tirta sané medal saking Bedawang Nala sané wénten ring ajeng undag nuju air terjun. Malih, nunas bungkak nyuh gadang, bungkak nyuh gading miwah nunas tirtha ring ajeng Patung Ratu Niang. Lantur nuju Patung Lingga, sungkem antuk némpélang jidat ring watu di sor Lingga tur nunas pamor anggé di prarai. Pinih untat raris budal sasampun magentos panganggé.