Pura Maospahit
Pura Maospahit inggih punika pura ring Bali sané magenah ring Kota Dénpasar, Bali. Pura punika kasub mawinan arsitékturnyané sané khas saking Majapahit, nénten saking Bali. Cihnanyané nganggén bata abang polos miwah nénten wénten ukirannyané. Punika mawinan pura punika mawasta Maospahit. Pura Maospahit inggih punika pura sisya ring Bali sané kawangun antuk konsép Panca Mandala. Ring konsép punika, genah pinih suci ring purané wénten ring madya, nénten nuju giriné.[1]
 | |
|---|---|
 Candi bentar miwah paduraksan pura | |
 | |
| Inpormasi umum | |
| Tipe | Pura |
| Pakem Undagi | Bali |
| Genah | Pemecutan Kaja, Kota Dénpasar, Bali |
| Margi | Jl. Sutomo No.6, Pemecutan Kaja, Denpasar Utara, Kota Denpasar, Bali 80231 |
| Estimasi puput | Abad ka-13 |
Babad pura Maospahit kasurat ring Babad Wongayah Dalem, prasasti sané nyritayang babad Sri Kebo Iwa, arsiték Bali. Sri Kebo Iwa ngwangun palinggih mawasta Candi Raras Maospahit ring warsa 1200 Saka, utawi warsa 1278 Masehi. Rahinané mangkin Candi Raras Maospahit kantun wénten pinaka bayuhan ring Pura Maospahit.
Pustaka
uah- ↑ I Putu Suyatra (October 8, 2017). "Pura Maospahit; Satu - Satunya Pura Berkonsep Panca Mandala". Bali Express.