Pura Kereban Langit
Pura Kereban Langit inggih punika silih tunggil pura sané wénten ring Bali. Pura puniki magenah ring Désa Sading, Kecamatan Mengwi, Kabupatén Badung, Bali. Pura puniki unik sawiréh magenah ring tengah goa sané mabolong ring bagian duurnyané, mawinan abagian ruangan pura makereb utawi maraab langit. Pura Kereban Langit wantah pura Dang Kahyangan miwah pura umum, mawinan makasami jadma sané maagama Hindu prasida mabakti meriki. Wastan pura puniki mawit saking kruna "kereb" sané maartos raab, punika mawinan pura puniki kaartos pura maraab langit. Pura puniki kaprecaya prasida ngicénin panugrahan majeng krama sané nunas wantuan antuk pinunas pratisentana sané tulus iklas, khusyuk miwah keyakinan sané pageh.[1]
 | |
|---|---|
 Pura Kereban Langit | |
 | |
| Inpormasi umum | |
| Tipe | Pura |
| Pakem Undagi | Bali |
| Genah | Désa Sading, Kecamatan Mengwi, Kabupatén Badung, Bali |
Lelintihan Pura
uahPura Kereban Langit madué lelintihan majeng embasnyané raja kembar buncing Sri Masula-Masuli, penguasa kerajaan Bali Kuno ring abad ka-14 Maséhi. Dumun ajinnyané Sri Jayakasunu sampun sué nénten madué pratisentana. Sampun makasami utsaha kalaksanayang ngantos ngamolihang petunjuk ngrereh tirta salaka utawi toya suci ring goa. Lantas raja nunden panjaknyané ngrereh tirta punika ngantos neked ring Pura Kereban Langit tur ngrereh tirta drika. Tirta punika kainem olih raja miwah paraméswari, nénten lami ida kapicayang oka kembar buncing mawasta Sri Masula-Masuli.
Pura puniki sampun wénten kirang langkung warsa 923 sadurung Maséhi utawi warsa 1001 Maséhi. Nénten wénten suratan pasti indik sapasira sané ngwangun Pura Kereban Langit. Nanging, manut carita krama drika, pura puniki kawangun olih patapa sané meneng ring tengah goa punika. Patapa puniki ketah pinaka jadma sakti miwah madué kawisésan sané pinih tegeh.
Pustaka
uah- ↑ "Pura Kereban Langit Milik Raja Sading, Ditemukan 1001 Masehi - Sejarahbali.com". PT. SEJARAH BALI DIGITAL (ring Indonesia). Kaaksés 2025-01-04.