Pura Goa Lawah

Pura Goa Lawah inggih punika silih tunggil pura sané magenah ring Désa Pesinggahan, Kecamatan Dawan, Kabupatén Klungkung , Bali.[1] Pura Goa Lawah kacihyanang antuk kawéntenan goa tur manados sarang lelawah ring tengahnyané. Pura punika taler silih tunggil genah paperangan Kusamba utawi Puputan Klungkung sané kaadegang olih Déwa Agung Istri Kanya. Pura Goa Lawah rumasuk silih tunggil Pura Sad Kahyangan sané wénten ring Bali.[2][3]

Pura Goa Lawah
Kuil cenik puniki ring jero genah suci Pura Goa Lawah.
Peta
Inpormasi umum
TipePura
Pakem UndagiBali
GenahPesinggahan, Kecamatan Dawan, Klungkung, Bali, Indonésia
MargiJalan Raya Goa Lawah, Désa Pesinggahan, Kecamatan Dawan, Klungkung
Koordinat8°33′06″S 115°28′08″E / 8.551557°S 115.468844°E / -8.551557; 115.468844Koordinat: 8°33′06″S 115°28′08″E / 8.551557°S 115.468844°E / -8.551557; 115.468844
Estimasi puputAbad ke-11
Pamesuan ring Pura Goa Lawah

Manut saking Lontar Dwijéndra Tatwa, sané nyaritayang indik pamargin Dang Hyang Nirartha saking Gélgél nuju Kusamba. Ida nénten masandekan nanging nglanturang pamargi nuju Goa Lawah. Drika Dang Hyang Nirartha nyingakin gunung sané becik pisan tur wewidangan nusané. Ritatkala ngranjing ka tengah goané, Ida nyingakin lelawah akéh pisan tur ring puncuk gunung goané wénten bunga pakebiah-biah sané aas mawinan kesiran angin. Raris ida angob miwah kalangen turmaning ngwangun padmasana irika. Sasampun wénten pura, dumunan karawat olih Gusti Batan Waringin antuk pawarah-warah saking Ida Penataran. Ida Penataran wantah putran pemangku ring Pura Besakih Ida Tulus Dewa. Ida nuturang yéning sujatinnyané Pura Goa Lawah sareng Pura Besakih mapaiketan. Pura Goa Lawah inggihnyané genah pamedalan Ida Hyang Bhatara Basukih saking gunung Agung ri tatkala jagi masucian ring pasih. Ngantos mangkin, sané kasungsung ring Pura Goa Lawah inggih punika Déwa Mahéswara sareng Sang Hyang Basukih. Pura punika taler pinaka genah utama upakara nyegara-gunung.

Galeri uah

Pustaka uah

  1. Vickers 1989, p. 79.
  2. Sukiswanti, P. (18 Oktober 2014). "Perang Kusamba Memakan Korban Jenderal Belanda". Sindonews.com. Kaaksés 12 April 2015.
  3. Sujaya, I. M. (25 Méi 2014). "Perang Kusamba, Kemenangan Gemilang Laskar Klungkung di Bumi Ilalang". Balisaja.com. Kaaksés 12 April 2015.

Cingak malih uah

Wacen luwih akeh uah