Puputan Margarana

Yuda Puputan Margarana
	Silih tunggil Yuda Kemerdekaan Indonésia
Tanggal	20 Nopémber 1946
Genah	Désa Adeng, Kecamatan Marga, Tabanan, Bali, Indonésia
Pamuput	Indonésia kakasorang; Bali kuasanina baan Belanda; Negara Indonésia Timur kawangun;
Pihak terlibat
Indonésia	Belanda Netherlands Indies Civil Administration (NICA)
Tokoh miwah pamimpin
Letkol. I Gusti Ngurah Rai †	Letnan Kolonel F. Mollinger; Kapten J.B.T König
Bala yuda
Batalyon Ciung Wanara	Brigade-Y 8 (IV) Bataljon Stoottroepen; Gajah Merah KNIL Batalyon Infanteri X; Gajah Merah KNIL Batalyon Infanteri XI; Gajah Merah KNIL Batalyon Infanteri XII; 1 pesawat pangebom (saking Makassar);
Korban
96 seda	400 seda

Aksara Latin

Aksara Bali

Suratan puniki kasurat nganggén
basa alus.

Puputan Margarana (aksara Bali: puputanmaŕgarana) inggih punika yuda ring Indonésia ngarepin Welanda ring masa Kemerdekaan Indonésia duk tanggal 20 Nopémber 1946. Yuda puniki kapimpin olih Kepala Divisi Sunda Kecil Kolonél I Gusti Ngurah Rai. Daweg punika para bala yudané sané mawasta TKR ring wewidangan punika mabéla pati nglawan Welanda sané malih mawali disubané Negara Jepangé kakaonin. Pinaka utsaha ngwaliang wewidangan sané karebut olih Jepang duk Yuda Jagat II, ngawinang sakancan bala yuda I Gusti Ngurah Rai kaon sané selanturnyané ketah kauningin pinaka silih tunggil Puputan ring arep masa kemerdekaan taler ngawinang Welandané nyidang ngaryanin Negara Indonésia Timur.^[6]

Pamargi Yuda

Daweg staf MBO kantun ring désa Marga, I Gusti Ngurah Rai nitahang bala yudan dané mangda ngrebut senjatan polisi NICA sané wénten ring Kota Tabanan. Titah punika kalaksanayang daweg 20 Nopémber 1946 (galah wengi) tur mamargi antar. Sakancan sanjata miwah mimisnyané prasida karampag taler silih tunggil polisi NICA nyarengin utsahanyané I Gusti Ngurah Rai. Ri sampun polih senjata, para bala yudané lantas mawali ka Désa Marga. Tanggal 20 Novémber 1946 semengan, tentara Welandané ngawitin yuda ring Désa Marga. Kirang langkung jam 10.00 semengan saling tembak ri sajeroning tentara NICA tur bala yudané Ngurah Rai. Daweg punika, tentara Welanda sané ngadeg di arep akéh sané padem. Punika mawinan, Welanda laut ngrauhin wantuan saking samian tentaranyané sané wénten ring Bali kawimbuhin kapal pangebom sané karauhin saking Makassar. Ri sajeroning yuda sané kalintang ageng punika, bala yuda Ngurah Rai nénten sida makirig tur jagi mabéla pati kapining Bali. Iriki bala yuda Ngurah Rai ngelarang "Puputan" utawi yuda panelasan ring Désa Marga punika mawinan bala yuda sané akehnyané 96 diri padem, rumasuk Ngurah Rai. Ring pihak Welanda wénten kirang langkung 400 diri sané padem. Anggén mikélingin peristiwa punika, tanggal 20 Novémber kasengguh punaka perang "Puputan Margarana", taler sané mangkin ring genah yudané punika kaadegang Tugu Pahlawan Taman Pujaan Bangsa.

Pustaka

↑ "Y-Brigade".
↑ "8 (IV) Bataljon Stoottroepen".
↑ "Infanterie X Knil".
↑ "Infanterie XI Knil".
↑ "Infanterie XII Knil". Kaarsipin saking versi asli tanggal 2017-06-28. Kaaksés 2018-07-31.
↑ Sutaba, Madé (1983). Sejarah Perlawanan Terhadap Imperialisme dan Kolonialisme di Daérah Bali (ring Indonésian). Jakarta: Direktorat Jenderal Kebudayaan. pp. 143–151.CS1 maint: unrecognized language (link)

[1] "Y-Brigade".

[2] "8 (IV) Bataljon Stoottroepen".

[3] "Infanterie X Knil".

[4] "Infanterie XI Knil".

[5] "Infanterie XII Knil". Kaarsipin saking versi asli tanggal 2017-06-28. Kaaksés 2018-07-31.

[6] Sutaba, Madé (1983). Sejarah Perlawanan Terhadap Imperialisme dan Kolonialisme di Daérah Bali (ring Indonésian). Jakarta: Direktorat Jenderal Kebudayaan. pp. 143–151.CS1 maint: unrecognized language (link)

[6]

[1]

[2]

[3]

[4]

[5]