Pié susu
Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Pié susu inggih punika silih tunggil jaja bali sané kakaryanin saking tepung terigu. Jaja puniki wentuknyané bunter tur ring tengahnyané madaging selé. Bahan sané kaanggén ngaryanin pié susu minakadi tepung terigu, taluh, gula pasir, susu, tepung maiséna, yéh miwah margarin. Antuk ngaryanin kulit pié punika, sané kapertama kuning taluh kacampur sareng gula pasir. Salanturnyané adonan punika kaimbuhin tepung terigu miwah margarin. Sasampun alus, adonan kacétak ring cétakan sané bunter.
 Pié Susu | |
| Tipé | Jaja |
|---|---|
| Sajian | asiki |
| Mawit saking | Indonésia |
| Wawengkon utawi wewidangan | Bali |
| Suhu penyajian | dingin |
| Lakaran utama | tepung terigu, taluh, gula pasir, susu, tepung maiséna, yéh miwah margarin |
Antuk ngaryanin daging pié punika, sané kapertama kuning taluh kacampur sareng susu, makakalih bahan punika kaaduk ngantos alus. Salanturnyané adonan punika kaimbuhin sareng tepung maiséna tur kaaduk. Sasampun kacampur alus, adonan punika kagenahang ring ajeng kulit pié ring cétakan pié sané mawentuk bunter nénten ngantos bek. Adonan sané sampun kacétak punika kagenahang ring alat panggangan. Sasampun lebeng pié punika sampun dados kaajeng. Pié susu ketah kapanggihin ring pasar-pasar tradisional.[1]