Pangiring

Pangiring inggih punika panganggen kruna sane magenah ring pungkur. Pangiring-pangiring punika minakadi; -a, -an, -ang (-yang), -in, -ing (-ning), -e, -ne, -en, -wait, -man, -wan.[1]

TegesUah

Wenten kutus (8) soroh pangiring, inggih punika:

  1. Teges pangiring "-a", mateges;
    • Nyinahang karya sane kakaryanin olih jadma sane karaosang (jadma ka-3). Umpami "dukain + a", "tingalin + a". Wimba ring lengkara: "Ngelemang titiang wawu dukaina olih I Guru. Suba tingalina tiang epuh magarapan, masih ya enu bengong-bengong.
    • Nyinahang padrewean, Umpami: "Pianak + a" dados pianaka, wimba ring lengkara: pianaka ada tuah dadua.
  2. Teges Pangiring "-an", mateges;
    • Nyinahang kahanan nglangkungin sane lianan. Umpami: Punyan nyuhe tegehan teken punyan biune.
    • Nyinahang langkungipun kalintang. Umpami " ya anak buka sesenggakane, jlema lantangan batis, joh-joh pagelahan anake bakat baana ngalih.
    • Nyihnayang ngwangun Kruna Aran " Umpami Jani mula dina sangkepan Subak.
    • Nyihnayang Kruna aran Niskala,: Umpami " Yan Kamulan tusing duman I dewek, eda bena marikosa.
    • Nyihnayang prabot, Umpami: Jemakang meme kikihan, lakar ngae santen
    • Nyihnayang kruna Aran sekadi Kruna Lingganipun " Umpami " Ditu di Jlingjingan ebune pejang bapa bulihe, ngantosang dewasane mamula.
    • Nyihnayang wewatesan , Umpami:Waian tiang majalan, sawireh motore kelang.
    • Nyinahang genah , Umpami: Kawanguna sekolahan, genah melajahang budi.
    • Nyihnayang Makueh , Umpami: Anake cerik ane tonden matuuh liwat telu bulan, tonden dadi anggoin mas, masan, msll.
    • Nyihnayang tetuladan barang , Umpami " gaenang adine kapal-kapalan lakar pulanga ditelagane.
  3. Teges Pangiring "ang", mateges;
    • Nyinahangkarya matetulung. Umpami: Jemakang malu adine nasi, witeh uli tuni tonden madaar.
    • Nyihnayang ngelaksanayang karya (Lumaksana ) Umpami " Tegarang satuayang malum kenken pangawitne.
    • Nyinahang makta miwah nglaksayang karya, Umpami: Tegarang satuayang malu, kenken pangawitne.
    • Nyinahang sakadi Kruna Lingganipun. Umpami: Enggal pesan ya ruyug, sujatine ya anak sedeng adiang ping pindo.
    • Nyinahang Karya kala punika, Umpami: ya setata bangun ngedas lemahang.
  4. Teges Pangiring "-in", mateges;
    • Nyinahang karya matetujon ring panandangipun, Umpami: Ya suba magarapan, mula tuara dadi barengin nyen-nyen.
    • Nyinahang wewatesan, Umpami: di Jeron Bapak Prebekele ada karya ngrorasin.
    • Ngwangun rasa ring panandangipun, Umpami: Uparenggan tetamanan punika wiakti ngulangunin pisan.
    • Nyihnayang karya matetulung, Umpami: Ampakin ya kori.
    • Nyinahang karya mawanti-wanti. Umpami: Butbutin malu bulun siape.
    • Nyinahang kahananipun lintangn. Umpami: Pategehin pundukan carike ento, apang tusing dadi lancah blabar.
  5. Teges Pangiring "-ing = ning", mateges; Pangiring ing/ning punike saimper ring pangiring "ne", Umpami: Pamuput Ngacep-acep Ida Betara ring luring akasa = sane malingga malinggih ring luring akasa
  6. Teges Pangiring "-e", mateges; Nyinahang panuek kruna lingganipun, Umpami: Jame suba nyinahang pukul 10.50 manut dedauhan Indonesia sisi kauh.
  7. Teges Pangiring "-ne", mateges;
    • Nyinahang barang punika drewen anak sane karaosang ( orang ke 3), Umpami: Limane gede gati.
    • Ngwangun Kruna Aran, Umpami: Dalemne atungtung nyuh.
    • Nuekang Kruna Keterangan, Umpami " Pangawitne ya ngorahang tuara nyak.
  8. Teges Pangiring "-en, -wati, -man, -wan", mateges; Nyinahang Pakaryan sane pacing kalaksanayang during majanten, Umpami:
    • Anak istri sane sampun ngamolihang ring indik kekawian, kabaos sang rumaga sastrawati.
    • Anake sane seneng matulung urip, welas asih, tur malaksana rahayu, wantah patut kabaosang budiman.
    • Ida Sang Prabu Salya, wiakti ratu saktiman tur kabiuhaning wadua miwah bala peka.
    • Sang Wibisana diastu tosning raksasa, sakewanten pakayunane suci, mawinan Ida kabaos sang Gunawan

PustakaUah

  1. Satryastina, I. Putu Candra (25 Januari 2012). "Kangin Kauh: Pangater, Pangiring, miwah SeseLan". Kangin Kauh. Kaakses 17 Nopémber 2021.